Diyarname

Şîrketa lêkolînê KONDA ku di hilbijartina borî de texmîna herî di cih de kiribû, anketek nû vê mehê kir. Li gor anketê HDP bendavê derbas dike.

Anketa KONDA'yê encamên balkêş derxistiye holê (Anket ji aliyê malpera "bidebuduizle" ve hat weşandin). Pirsa "Îro hilbijartin çêbe tuyê dengê xwe bidî kê?" hatiye kirin. Li gor encamê di dengên AKPê de daketinek heye, yên CHP û MHP'ê de zêde guherîn naxuye. Ya balkêş HDP'ê dengên xwe zêde kirine. 

Li gor encamê AKP sedî 33.3, CHP sedî 17,1, MHP sedî 11, HDP sedî 7.8 dengan digire. Partiyên hemû jî sedî 4.1 digirin. Her wiha sedî 22 kesî gotiye ez bê biryar im, sedî 4.7 jî gotiye ezê neçim dengên xwe nedim.

Di encama anketê de derketiye holê ku ji çaran yekê hilbijêran bêbiryar e ku dengê xwe bide kîjan partiyê.

Mehek berê KONDA'yê dîsa anket çêkiribû û encamek wisa hemû: AKP sedî 33,7, CHP sedî 17.8, MHP sedî 10.6, HDP sedî 5.7 deng girtibû.

KONDA'yê li gor encama anketa xwe ya nû dengên hilbijêrên bêbiryarin jî li partiyan belav kir û di encamê de ev derket holê:

AKP: Sedî 45.4

CHP: Sedî 23.3

MHP: Sedî 15.1

HDP: Sedî 10.6

Têbiniya Diyarnameyê: Li gor hesaba matematîkî rewş niha ev e, lê ji bo ku ji sedî 22 hilbijêrên bêbiryar HDP jî li gor xwe dengan bigire û bendavê derbas bike xebat jêre divê, qanîkirin divê.

KONDA her meh ji bo hin mişteriyên xwe anketan çêdike û dide wan lê belav nake. Lê bi awayekî encam digihîjin raya giştî. KONDA anketa xwe ya meha reşemiyê jî gere van rojan bike.