Diyarname

Hilbijartin her ku nêz dibe îdîa û gotinên li ser hilbijartinê zêde dibin. Yek ji van jî îro rojnameger Ruşen Çakir di quncikê xwe yê Haber Turkê de nivîsî.

Çakir dibêje her ku diçe biryara HDP dê ku wekî partî beşdarî hilbijartinê dibe zelal dibe, dengên ku Selahattin Demîrtaş di hilbijartina Serokomariyê de girtin hêvî dide wan û wan motîve dike. Her wiha Çakir dibêje meseleya Kobanî kiriye ku zêdetir kurd nêzî HDP'ê bibin, dîsa HDP difikire ku ligel vê li herêmê dê ji AKP'ê, li rojava (qala bajarên Tirkiyeyê dike) ji AKP û CHP'ê bi awayekî cidî dengan bigire bigire. Çakir wisa didomîne: "HDP ji bo dengan li dengen ku di hilbjartina Çankayayê de girtin zêde bike zorê dide dengên li Rojava û bajarên mezin. Ji ber ku ji herêmê çiqas zêde dengan bigire jî li bajarên mezin heta astekê dengan negirin dê HDP nikaribe bendavê derbas bike. Ji ber vê yekê HDP li Stenbolê û Îzmîrê berendamên xurt ên siyaseta kurd wekî berendam nîşan bide."

Çakir dibêje li gor çavkaniyên wî yên li nav partiyê dê Hevserok Selahattin Demîrtaş ji Stenbolê Herêma 1'emîn (Aliyê Anadoluyê), Pervîn Buldan jî li Herêma 3'yemîn (Bakirkoy û derdora wê) wekî berendam nîşan bide.

Ruşen Çakir îdîa dike ku dê HDP hin navên navdar wekî Kadîr înanir ku bikaribin qanî bikin li herêma kurdan wekî berendam nîşan bidin. Îdîaya Çakir ew e ku hin kesên mihafezekar jî dê wekî berendam bêne nîşandayîn. Ew dibêje ku ji akademîsyenan jî Prof. Mithat Sancar îhtîmal e ji Mêrdînê wekî berendam bê nîşandayîn.

Çakir bi van gotinan dawî li nivîsa xwe tîne: "Ger bi berendamên rast, diruşmên rast û taktîk/statejiyên rast dest bi xebatê bike HDP dê bendavê derbas bike û komek xurt li Meclisê çêbike."