Diyarname

Komîsyona Lihevkirinê ya HDP'ê îro ji bo hevserokatiya HDP'ê biryara xwe da. Di 3'yemîn Kongreya HDP'ê de dê Sezai Temellî û Pervîn Buldan bibin Hevserokên HDP'ê. Li ser vê hê daxuyaniya fermî nehatiye dayîn. Roja înê dê daxuyaniya fermî bê dayîn, îhtîmala guherînê kêm e. Biryara dawî Komîsyona Kongreyê dide.

Kongreya HDP'ê 11'ê mehê li dar dikeve. Komîsyona Lihevkirinê ku ji 5 kesan pêk tê di encama nîqaş û encama konferansên hatin çêkirin de îro li ser navên derketibûn pêş nirxandin kirin û gihîşt encamê. Di encamê de ji bo Hevserokatiya HDP'ê Pervîn Buldan û Sezaî Temellî hatin diyarkirin. Ev biryar sibê dê here cem Komîsyona Kongreyê û roja înê jî dê biryara fermî bê ragihandin. Komîsyona Kongreyê navên li ser biryar dide bi awayekî fermî pêşkêşî kongreyê dike.

Piştî ku Hevserokê HDP'ê Selahattin Demîrtaş biryara xwe da ku nebe hevserok di nav HDP'ê de nîqaşa ji bo hevserokan zêde bû. Heta niha zêdetir navên Ayhan Bilgen, Mithat Sancar, Osman Baydemîr, Ahmet Yildirim derketibûn pêş. Di dawiyê de komîsyonê îro biryara xwe da.

Pervîn Buldan mebûsa Stenbolê û Wekîla Serokê Meclisê bû. Sezai Temellî jî Ji Aborî û Polîtîkayên Civakî Berpirs Cîgirê Hevserokan bû.