Diyarname

Di maça Kûpaya Ziraatê de îro Galatasaray û Amed Spor hatin hemberî hev. Amed Sporê bi 2-0 Galatasaray têk bir.

Di Koma G de Galasaray li mala xxwe tîma Şaredariya Bajarê Mezin a Amedê, bi navê xwe yê nû Amed Spor kir mêvanê xwe. Di deqîqeya 3'yan de lîstikvanê Amed Sporê Ercan Çapar ji derveyî sehaya pêş qeleyê lê da û ji aliyê rastê qelevan Sinan Bolat ve gog şand nava torê: 0-1.

Di nîveka yekemîn ma maçê de wekî din gol çênebûn û nîvek bi 0-1 bi dawî bû.

Di nîveka duyemîn de Amed Sporê li hemberî tîma mezin Galatasaray ber xwe da. Di deqîqeyên zêde, 90+2 de ji Amed Sporê Ercument Balikçi gog ber bi pêş qeleyê ve bilind kir, Yusuf Yagmur serê xwe lê da û maç bû 2-0.

Di Koma G de Eskişehir û Galatabaray xwedî 9 pûanan in, Amed Spor bi 4 pûanan, di rêza dawî de Balçova Yaşamspor tenê pûanek wê heye. Bi vê encamê Eskişehir û Galatasaray ji komê derdikevin, derbasî gavek pêştir dibin, her du tîmên din piştî maça dawî bilîzin dê herin mala xwe.

Wekî agahî: Galatasaray di Lîga Super a Spor Totoyê de, Amed Spor di Lîga 2'yemîn, Koma Sor de dilîze. Buhaya tîma Galatasaray 71.500.000 Euro ye, buhaya tîma Amed Sporê 1.450.000 Euro ye.

Galatasaray

Sinan Bolat, Alex Telles, Hakan Balta, Sabri Sarıoğlu, Felipe Melo, Selçuk İnan, Wesley Sneijder, Bruma, Olcan Adin, Yekta Kurtuluş, Goran Pandev

Amed:

Serkan İpek, Kamil İçer, Ercan Çapar, Ercument Balikçi, Samet Yeniceli, Yusuf Yagmur, Sadat Şahin, Abdullah Çetin, Emre Hasan Balci, Mansur Çalar, Ertan Koç