HEWLÊR

Nivîskar, rojnameger, siyasetmedar û pêşmergeyê berê Felekedîn Kakeyî ku li dijî pevçûna navbera kurdan de cephe girt û ji bo yekîtiya kurd hewilda bû, îro wefat kir.

Kakeyî di sala 1943’yan de li Kerkûkê hatiye dinê. Ew yek ji kesên pêşî ê kurd e ku di nava tevgera şoreşgerên Ereb ên li dijî rejima Iraqê xwe birêxistin kiribûn de cih girtiye. Kakeyî nivîskarî jî cara yekem di nava tevgera sosyalîst û şoreşgerên Ereb de dest pê kir; di rojnameya El-Taxî ya Partiya Demokrata Kurdistanê (PDK) di qucnikê “HECELIYET” de li ser pirsgrêkên kedkar û kurdan nivîsî.

Kakeyî ku ji ber pêkûtiyên rejima Bexdayê neçar ma derbasî rojavayê Kurdistanê bibe, her tim di nav têkoşîna başûrê Kurdistanê de roleke çalak lîsti. Felekedîn Kakeyî di komîteya navenda PDK’ê, Parlementoya Başûrê Kurdistanê de cih girt û peywira wezîriya rewşenbîrî kir.

Piştî hilweşîna rejima Sedam, edîtoriya rojnameya El-Taxî ya ku li Iraqê herî zêde dihat firotin kiriye. Her wiha di nava rewşenbîrên başûrê Kurdistanê de yek ji wan siyasetmedaran bû ku herî zêde yekîtiya netewî diparast û ji bo vê yekê hewil dida.