Diyarname
Li Cizîrê bi navê “Hawar Botan” kovareke wêjeyî, çandî, hunerî û dîrokî derket. Lê êdîtorê kovarê Mîrza Ronî berî ku kovar derkeve hat girtin û hê jî wî kovara xwe nedîtiye.

“Hawara Botan” li Cizîrê di meha rezberê de derket. Edîtoriya kovarê Mîrza Ronî dike ku roja kovar gihîşt Şirnixê ew hat girtin û ew şandin Girtîgeha Amedê.

Hawara Botan, bêhtir, ji berhemên nivîskar û helbestvanên herêma Botanê hatiye amadekirin. Digel van gelek nivîskarên kurd bi nivîsên xwe kovar xemilandine. Yek ji wan nivîsan jî nivîsa Sînemxan Celadet Elî Bedirxan e.

Edîtoriya kovarê di nivîsa xwe de gotine ku ew di dîroka zimanê kurdî de Hawara edebî ya sêyemîn in. Ya yekemîn, ya Celadet Elî Bedîrxan, ya duyemîn a Ferhat Kûrtay û rêhevalên wî bû. Kovara Hawara Botan jî wan wekî hawara sêyemîn bi nav kiriye. Armanca kovarê ji Heremê Botanê dengekî nû bixe nava wêje û çanda kurdî de. 
 
Di vê hejmara yekemîn a kovarê de, nivîsên kesên wekî Sînemxan Celadet Elî Bedîrxan, Zekî OZMEN, Hasan OZGÛNEŞ, Mîrza RONÎ, Konê REŞ, Rukiye OZMEN, Ceng HÊVÎDAR,  Azad ZAL, Hasîp YANLIÇ,  Mesût BOTAN, Omer DILSOZ, Veysel VESEK, Diyar BOHTÎ,  Fatma RONÎ, Emîn BANEHÎ, Ayşegul DOXAN û Mahmut HOCAOXLU cih girtine. Şivan ZEREN, Eşref KEYDANÎ, Rojhat PILING, Berken BEREH, Çekdar BOTAN, Mem BAWER, Hasan KAPLAN, Bager BOTANÎ jî bi helbestên xwe di kovarê de cih girtine.

Ji bo kesên eleqedar:

Tel: 05445862076
Maîl: kovarahararabotan@hotmail.com
Navnîşan: Hawar Kîtap kafe,
Dîcle Mah. Doğan Sk. Yüksekokul karşısı No:2/Cizre Şirnak