Diyarname
Heyecana Tûrnûvaya Kûpaya Cîhanê ya 2018'an dest pê kir. Îsal Rusya ji bo kûpayê mazûvanî dike loma maça yekem di navbera mazûvan Rusya û mêvan Erebistana Siûdî de bû. Di maçê de Rusya bi 5-0 bi ser ket û pûanên xwe yên pêşî girtin.
Di destpêkê de Erebistana Siûdî hê serketî bû, Rusya di deh deqeyên pêşî de nekarî ber bi keleha Erebistanê ve here lê di deqîqeya 12'yan de rewş guherî: Di atakek de defansê Erebistanê tevlihev bû û Rusyayê bi Yury Gazinsky gola xwe ya yekem avêt: 1-0. Rusyayê di deqîqeya 43'yan de carek din gol (Denis Cheryshev)avêt û nîveka yekemîn bi 2-0 bi dawî bû.
Di nîveka duyemîn de Rusya bi temamî hakimê maçê bû. Di deqîqeya 71'ê de Artem Dzyuba derket ser dikê û encam anî: 3-0'ê.  Di deqîqe 90'î de Denis Cheryshev carek din derket holê û encam bû 4-0.
Di dema ku êdî Erebistan ji maçê ketibû, êdî her kesî digot maç xilas, di deqîqeya 90+3 de Rusyayê bikaranîna firîkîkê bi dest xist. Lîstikvanê Rusyayê Aleksandr Golovin ji firîkîkê gol avêt û maç bi dawî kir: 5-0.
Bi vê encamê tîma Rusyaya ku bi metirsî bû, nedizanî dê encam çi be û ber bi ku ve here, bi dilşadî dest bi tûrnûvayê kir.