Diyarname
BDP ku ji bo boykotkirina referandûmê bajar bi bajar mîtîngan li dar dixe, li nav qada înternetê de jî ji bo boykotkirinê malpereke hate vekirin.

Malpera ku bi navnîşana www.referandumboykot.net hatiye vekirin hem agahiyên li ser boykotkirina referandûmê dide, hem jî ji kesên ku wê hilbijartinê boykot bikin îmzeyan dide ser hev.

Malpera ku bi kurdî û tirkî bi du zimanan hatiye amadekirin û di metna ku ji bo boykotkirinê hatiye amadekirinê de sedema boykotkirinê anîne ziman.

Di metna ji bo îmkzekirinê hatiye amadekirin de kesên beşdar nav, paşnav, bajar, navçe, partî û pîşeyê xwe dinivîse û pêl li beşa "Min xwend, îmze dikim" dike.

Di malperê de digel navê îmzeavêjên pêşî, kesên din ku îmze avêtine navên wan dixuyin.

Ji bo kesên eleqedar: www.referandumboykot.net