Şengul Ogur

Di nivisa xwe a bi navê’’Zanîna me ji ‘’z’’yê tê’’de, me hewl da bû ku em wateya tîpa ‘’z’’yê bi dest bixin.Herî dawî me gotibû ku wateya tîpa ‘’z’’yê a di kurdî diçe li ê-z-danê(ê ku ‘’z’’ dayî/dide) Z-URVAN radiweste.

Me ji Sîraç Bilgîn veguhastibû Z-URVAN,Ê-Z-DANê(ê ku ‘’z’’yê dide.Ma Yêzdan/êzdan ne ew hêz e ku me derheqe tiştê ku em pê nizanin de, haydar dike ye?Ma ne di quranê de xwedê dibêje,ez bi tiştê ku hun nizanin dizanim, û bi vê gotinê re melek hiş dibin)beriya hertişti ye û ev ‘’z’’ ye ku mijara me ye ,bi Ê-Z-DAN Z-urvan ve girêdayiye. Bi wateya herî teng em gihaştibûn wê ramanê ku wateya ‘’z’’yê zanîna beriya ku tu tişt hebe ye.

Ku bala we kişandibe min bêjeya ZURVAN ji hev veqetandiye û wekî Z-URVAN nivisiye. Çima?

Di pirtuka Sîraç Bilgin a bi navê’’Zaratuştra’’ de xwedayek bi navê,GAUŞ URVAN heye.Sîraç bilgîn wateya bêjeya URVANê wekî can/giyan hişkere dike.

Ku em li gorî wateya urvanê(can/rih/giyan) navê Ê-Z-DANê Z-URVAN şirove bikin ev wate jê derdikeve:Giyanê ‘’Z’’yê.

Piştî vê haya di dest me de ti şik û guman namîne ku tîpa ‘’Z’’ yê bi tena serê xwe xwedî wateyek e,xwedî wateyeke pir fireh û kûr.Ew têgehek e,dibe ku têgeha ewilîn be.Dibe ku beramberiya tîpa ‘’z’’yê ew gewhera ku bu sedema bîng bangê(teqîna mezin) û pê kozmoz hat epê.

Ku z-urvan wekî sîraç bilgîn hişkere kirî, ‘’Li gorî ew kesên ku baweriya xwe bi ZURVAN anine, zurvan,beriya ku tu tişt tunebe,beriya ku erd û ezman,beriya ku kozmoz hebe ZURVAN hebû.Zemanê  ezelî ebedî..xwedayê herî mezin.Ew ne xwedayê roniyê ne jî ê tariyê bû.Bavê ahura Mazda û angra mainyu’’be,Z-urvan ew heyina ku beriya hertiştî be,heyina beriya erd û ezman û zemanan be,yanî diçe li tunehiyê disekine Z-URVAN,û ku wateya bêjeya zurvan,giyanê ‘’Z’ yê be,naxwe di vir de wateya ‘’z’’yê dibe,ruhê/giyan/can tunehiyê.Û bi zanînê, em ji a ku ku em pê nizanin haydar dibin.Yanî beramberiya wateya ‘Z’’ yê,haya heqîqetê ye,zanîna heqîqetê ye.

Lê ev wate jî ji wateya têgeha ‘’z’’yê re kêm dimîne.Di serê me de pirs zêde dibin:

Z-urvan…giyanê ‘Z’yê..Çi ye ‘’Z’’?

Z,zanîn e,lê zanîna çi?Z,zayin e,lê zayina çi?Z,zar û zimanê,lê zar zimanê çi?Z,jîn e(zîn),lê zîna çi?Z,ra(z) e,lê raz a çi? Z,ezman e, lê ezmanê çi?