.jpg)
Di edebiyata me de, wekî beş û merheleyek "edebiyata sirgûnê" ciyê xwe girtiye, her hatiye gengêşîn. Heta hin caran hatiye îdîakirin ku edebiyata sirgûnê gelek peyvên nû diyarê kurmancî kiriye.
Nûçeyek malpera Kurdîgehê bû sebeb ez carek din derbarê Koma Kurmancî de bifikirim
Ked û xebata wan bi mihnet bi bîr bînim. Di nûçeyê de ev agahî hene:
“2013-06-23 22:56
Kurdîgeh
Koma Kurmancîyê, duhî (22.06.2013) li Bajarê Mêrdînê dest bi civîna xwe ya 52yê kir.
civîna Koma Kurmancîyê dê hefteyekê dom bike. Her roj beşdarên civînê ji 9ê siharê dest bi civînê dikin û civîn heta 9ê şevê dom dike.
Beşdarên Komê ji beriya civînê li ser van mijarên me li jêr nivîsîn lêkolînên berfireh kirine û her lêkolîner encamên lêkolîna xwe ji bo komê pîçûpîç dibêje û ji bo her gotina lêkolînan danûstandin û gengeşîyên hizirî têne destpêkirin û li gor encama wan gengeşîyan encamnameyên mijaran tê nivîsîn.
Koma Kurmancîyê eve 26 sal in ko li her salê du caran kom dibin û encamên civînên xwe bi kovareka bi navê ""Kurmancî""yê belav dike."
Kesên ku hay ji Kovara Kurmancî hene, yên di wê kovarê de lêkolînên derbarê ziman de, keda ji bo ziman hatiye dayîn dîtine, helbet wê bigihîjin encameke wisa ku xebatên komê yek ji bingeha edebîyata sirgûnê ye bi gotineke dîtir ger mijar edebiyata sirgûnê be û keda Koma Kurmancî neyê bilêvkirin ê kêmaniyek xwe bide der.
Kom niha li ser xaka xwe, xebata xwe dike. Hêviya me ew e ku bi tevî sazî û komên din yên ziman, Koma Kurmanciyê, li welêt derfetên nû pêşkêşî zimanê me û her wiha edebîyata me bike.
.jpg)
