Ez ji xwe agah nebûm
Ew dil bi destê hat û çû
Wey li bextê mey reş bî
Can bi destê hat û çû
Ez çilo hişyar nebûm
Çawa nedî min ew perî
Her wekû ava tenik bê
Kurt û pistê hat û çû
Wê şevê pê de li dil
Kom bûne derd û jan û xem
Surperî dermanê derdê
Min di mestê hat û çû
Ger bidîta bej û bala
Wê şepala şeng û şox
Sal bi min pîroz dibû
Lê heyv ji ristê hat û çû
Wê civan da bû ku îşev
Bête nik min lê dereng
Ew ji bircê hate xwarê
Şox û mestê hat û çû
Wê ji min can xwestibû
Soz dabûm ku bidmê îşev
Lê sipîdê dil bi destê
Can dixwestê hat û çû
Qundera kabik bilind bû
Lê çepûne kurt û teng
Her wekî bayê sipîdê
Kurt û pistê hat û çû
Min li şopa wê nerî
Sorgul li hawir derketin
Min dizanî rû ji rojê
Zend Avistê hat û çû
Hatibû maçek bi min de
Cejn û sersala me bû
Li bextê reş, Seydayê min
Cegerxwîn’ek hat û çû**
*Navê helbestê ‘Hat û çû’ ye; min Cegerxwîn lê zêde kir.
**Ev rist wiha ye: Lê çikim ew maç ji lêv/ û dêm diristê hat û çû
Kîme Ez, Cegerxwîn, Wş.Avesta
.jpg)
