Diyarname
Lîstikvanê efsanewî yê Arjantînê Diego Armando Maradona li ser tîma neteweyî ya Arjantînê ku di vê Kûpaya Cîhanê de dê çi bike axivî.
Maradona got ku tîm li aliyê pêş serketiye, lê di defansê de pirsgirêkên wan hene. Maradona ji bo Lionel Messi jî got ku ew gelek jîr e û di vê Kûpaya Cîhanê de ew ji Messi bendewarê gelek tiştî ye.
Maradona di Kûpaya Cîhanê ya 2010'an de Teknîk Dîrektorê Arjantînê bû. Di serdema wî de Arjantîn ji komê derket çarîk fînalê lê di çarîk fînalê de li hemberî Almanyayê bi 4-0 têk çû û ji tûrnûvayê xatir xwest.
Îsal Arjantîn yekemîn maça xwe bi Bosna-Hersekê re wê êvara 15'ê mehê saet 23.00'an de bilîze. Di koma F ku Arjantîn jî têde ye, wekî din Bosna-Hersek, Îran û Nîjerya hene.