Diyarname
Yekîtiya Nivîskarên Kurd -Sûriyê li bajarê Qamişlo bi beşdariya gelek nivîskaran kongreya xwe ya yekemîn li dar xist.
Kongreya Yekîtiya Nivîskarên Kurd - Sûriyê roja 10'ê vê mehê li bajarê Qamişlo bi diruşma "Nivîskar wijdarê gel e, Kobanî kela berxwedanê ye" li dar ket. Nivîskar Dilawerê Zengî di axaftina xwe de sipasiya beşdaran kir û got ku dê yekîtî her li cem milet be.
Di kongreyê de berxwedana Kobanî û berxwedana kurdan a li her derê hat silavkirin.
Di kongreya ku Serokê Rêveberiya Kantona Cizîrê Hekem Xelo û gelek kesên din amade bûn de, gelek kesî axaftin kir û dîtinên xwe anîn ziman.
Di dawiya axaftinan de hilbijartin li dar ket û Dilawerê Zengî ji bo Serokatî, Mihemed Şêxo jî ji bo Cîgerê Serok hat hilbijartin. her wiha Zahid Mehmûd, Baran Baravî, Fewaz Osê, Ehmed Heyder, Mahîn Şêxanî, Ibrahîm Xelîl, Şehnaz Şêxî, Nûşîn Bêcirmanî û Melevan Resûl ji bo Komîteya Rêveber a Yekîtiyê hatin hilbijartin.