Diyarname
Kovara "Kurt Tarîhî" piştî demek dirêj hejmara xwe ya nû derxist ku mijara "Vîkîng rastî kurdan tên" kiriye sernavê xwe.

Kovara "Kurt Tarîhî" du mehan carek bi tirkî derdiket heta hejmara 27'an. Davut Ozalp bi derfetên xwe heta niha kovar anî bû û lê heta serê salê karî bîne. Gerînendetiya Weşanê Mesut Yegen dikir. Piştî ew qas zehmetiyên aboriyê kovar êdî zor derdiket. Bi vê yekê re Weqfa Îsmaîl Beşîkçî ket nav tevgerê û kovar êdî di bin banê Weşanên Ronî yê Weqfa Îsmaîl Beşîkçî de derdikeve. Niha hejmara 28'an a kovarê derket ku wekî hejmara rêbendan-reşemî-adar-avrêl-gulan û pêşper diyar kirine.
Kovarê di hejmara xwe ya nû de meseleya "Vîkîng rastî kurdan tên" kiriye berga kovarê. Di nivîsa ku Rohat Alakom nivîsandiye de qala seferên Vîkîngan ên serdema salên 800-1050 dike. Di vansalan de Vîkîngan hina ji bo talanê, hinan ji bo ticaretê berê xwe dane seferê û di vê seferê de di sala 943'yan de tên bajarê Berda'a ku li aliyê rojavayê Behra Hezarê, li gor nexşeya îro li nav axa Azarbaycanê ye. Yek ji dîrokzanên ereb Mukaddasî yek ji deriyên Berda'yê wekî "Deriyê Kurd" bi nav dike. Wê demê li derdora rojavayê Behra Hezarê mîrîtiyeke kurdan Mîrîtiya Şedadî hatiye avakirin ku paytexta wê Genca ye. Avakarê vê mîrîtiyê Mihemed Şedad bin Kartu ye ku ew bi xwe ji eşîra Rewwadî ye. Û di vê salê de dema Vîkîng tên wê derê bajarê Berda'ayê dorpêç dikin û talan dikin.
Di nivîsê de ji bilî vê li ser têkiliya Vîkîngan a li aliyê Mûşê, dîsa qala têkiliya wan û Merwaniyan jî tê kirin.
Ji bilî vê wekî din jî nivîsên din ên balkêş hene. Yek ji wan jî bi ser navê "Puşkîn li nav kurdan e" bi îmzeya Serhat Alan Merwanî hatiye weşandin. Di nivîsê de rêwîtiya Puşkîn a ji bo Erzeromê hatiye nivîsandrin ku Puşkin ev di kovara "Sovremennik" de nivîsandiye û paşê ev yek dema li Fransayê bi fransizî hatiye weşandin zêdetir bal kişandiye.
Di kovarê de du nivîsên Mehmet Bayrak hatine weşandin. Yek jê Mehmet Bayrak bi sernavê "Sepêhatiya min a 50 salan a 'Gomîtas'" girtiye dest ku Gomîtas hê sala 1899'an de dema li Berlînê li Zanîngeha Kaiser Wilhelm dixwend li ser muzîka kurdî xebata doktorayê kiriye. Ev yek bala Bayrak kişandiye ku li ser meseyeyê kûr bibe. Nivîsa wî ya din jî bi ser "Di dîroka 'din' a Kurdistanê de ermenî" hatiye weşandin.
Haluk Ozturk jî li ser yek ji rêberên Berxwedana Agirî Xalid Beg nivîsiye.

Ji bo têkilî û xwestinê:
E-mail: kurttarihi2017@gmail.com
Tel: 0541 391 81 49