Diyarname

Li DYA'yê dadgehê biryar da ku strana Shakira "Loca" malê diziyê ye û ceza lê birî.

Shakira strana xwe ya bi navê "Loca" di albuma xwe "Sale el Sol" de di sala 2010'an de pêşkêş kiribû û album ji aleyê bi mîlyonan kesî ve hatibû ecibandin. Album bi ser 5 mîlyon hebî de hat firotin. Niha rewşeke din çêbû: Li Dewletên Yekbûyî yên Amerîkayê dadger Alvin Hellerstein biryar da ku strana "Loca" ji strana Ramon Arias Vasguez a bi navê "Loca con su Tiguere" hatiye girtin.

Li gor dadgehê ev strana amon Arias Vasguez (ew li Komara Domînîk wekî Arias tê nasîn) e û wî ev stran di navbera salên 1996-1998'an de saz kiriye û xistiye albuma xwe. Di sala 2007'an de stranbêj Edward Bello Pou (ku bi navê El Cata tê nasîn) ev stran careke din tomar kiriye û dema bi piştgiriya şîrketa Sony ev stran li Komara Domînîk navdar bû, El Cata îdîa kiriye ku ev stran a wî ye. 

Shakira jî ev stran di sala 2010'an de xist albuma xwe "Sale el Sol" û stran belav bû. Arias bi rêya şîrketa muzîkê Mayimba Music di sala 2012'yan de li şîrketa Sony doza mafê telîfê vekir. Dadgehê Mayimba Music mafdar dît û ceza birî.

Ajansa Reuters jî ev mesele kir nûçe û belav kir. Hat gotin ku Sony dê di rojên pêş de telîfa ku dadgehê diyar kiriye bide lê çiqas dê telîfê bide ev yek nehat eşkerekirin. Lê çavdêr dibêjin ku dê pereyeke gelek mezin wekî telîfê bê dayîn. Heta niha Shakira der barê bûyerê de tu agahî nedaye.

Vaye ew stran: