Em nizanin hewce dike mirov qala dîroka wan bike? Bi ya me ew baş têne nasîn. Lê dîs jî em bi kurtahî qala dîroka wan bikin:

Avakarê komê Hesen Kamkar di sala 1947’an de, ligel hinek hunermendên kurd li Senendecê yekemîn koma muzîkê ya kurdî damezrandiye.
Wî di sala 1992’yan de jî koça xwe ya dawîn kir. Wî, li dû xwe Koma Kamkaran ku ji salên 1970’ê yî ve karê xwe yê muzîkê didomîne hişt.
Piştî wefata Hesen Kamkar, kurên wî, bi gotineke din peyrevên wî Hoşeng, Bîjan, Pêşeng, Qeşeng, Erjeng, Erselan, Erdeşêr û Erdewan Kamkar ev kar domandiye.
Koma ku di dema bavê wan Hesen Kamkar de berê muzîka xwe ber bi lûtkeyê ve kir, kurên wî jî ev xet berdewam kir û niha kom li seranserê cîhanê tê nasîn.
Ji sala 1991’ê ve Hoşeng Kamkar organîzasyona komê gişî pêk tîne.
Kom li ser muzîka kurdî bi amûrên cur bi cur ên kurdî xebata xwe didomîne.  Ew di warê muzîka kurdî de, bi şêweya xwe ya xweser û bi awayê xwe yê ku muzîka otantîk û ya nûjen tevî hev dikin, xwedî ciheke taybet in.
Em ji konsereke wan parçeyeke dikin klîba hefteyê û diyarî we dike.

Û ji bo kesên eleqedar jî malpera wan li ser vê navnîşanê ye:
http://www.kamkars.net