Diyarname
Hêk ji bo te tenduristiya mirovan girîng in lê bi taybetî ji hêkên gundan. Hêkên zireetê ji ber erzan in gelek kes nikarin hêkên gundan bikirin, loma jî gundiyên ku hêkên xwe tînin sûkê difroşin bi gazinc in. Yek ji wan jî Dayika Xensê ye.

Dayika Xensê ku çend mirîşkên wê hene, her roj hêkên wan kom dike û hefteyê carekê berê xwe dide sûka bajêr da ku wan bifroşe. Lê mixabin, ji serê sibehê heta êvarê li sûkê dimîne, hêkên wê nayên firotin. Ew bi xemgînî gazinan dike: “Hêkên çewlikan bextê hêkên gundan têk bir! Vê rewşê qîmeta jiyana xwezayî jî kêm kir. Yên niha qet nizanin tehma hêkên gundan çawa ye.”

Dayika Xensê paşê behsa cudahiya di navbera hêkên xwezayî û yên çewlikan de dike û wiha didomîne: “Hêkên gundan ne wekî hêkên mirîşkên ku li fabrîqeyan tên xwedîkirin in. Ev hêk di nav hawirdoreke çandiniyê ya xwezayî de tên hilberandin. Mirîşkên me bi serbestî dijîn, xwarinên xwezayî dixwin û hêkên wan bi tevahî organîk in.”

Ew diyar dike ku hêkên gundan bi reng, tam û taybetmendiyên xwe ji yên din cuda ne û ji bo tenduristiya mirovan gelek fêdeyên wan hene. Ji ber ku mirîşkên wê bi xwarinên fabrîkeyan nayên xwedîkirin, hêkên wan tu zirarê nadin laşê mirovan. Dayika Xensê bang li welatiyan dike ku hêkên gundan tercîh bikin. Lê belê, ew ji esnafên ku berhemên çandiniyê kêm dinirxînin û li şûna hêkên gundan hêkên çewlikan tercîh dikin, dilgiran e. Bi xemgînî wiha dibêje: “Ji civakeke ku qîmeta jiyana xwezayî nizanibe re, ne hewce ye hêkên gundan bên bahskirin.”