Diyarname
Êvarê bi hezaran kes ji Pirsûsê sînor ji holê rakirin û derbasî Kobanî bûn...
Ji bo salvegera pîrozkirina Xweseriya Kobanê û rojavayê Kurdistanê ku di 19'ê tîrmeha 2012'yan de dest pê kiribû, îro bi hezaran kes li ser sînor hatin ba hev. Ji serê sibê de ji bajarên Bakur kom bi kom bi erebeyan hatin ser sînorê navbera Pirsûs û Kobanî. Nava rojê pîrozbahî hebû, lê êvarê rewş guherî; gel berê xwe da têlên navberê, ew rakirin û bi sedan kurd derbasî aliyê Kobanî bûn. Polîsan mudexele kir, lê fêde neda.
Sînor ji holê rakirin
Bi sedan kesên ku sînorê navbera Pirsûsê û Kobanê têlên li ser sînor hilweşandin û derbasî Kobanê bûn, bi coşeke mezin hatin pêşwazîkirin. Gel sînor bêwate kirin û li Kobanê pîrozbahiyên 19'ê tîrmehê heta nîvê şevê dom kirin.
Ber bi navendê ve ketin rê
Welatiyên Kobanê, kesên ku li aliyê Pirsûsê ve hatibûn hembêz kirin û di nav zeviya mayînan de pîrozbahî dest pê kir. Welatiyan kesên ku li Bakur hatibûn, li wesayîtan siwar kirin bi konvoy û meşê ber bi navendê rêketin.
Kon şewitandin
Di vê navberê de polîsên dewleta Tirkiyeyê jî mudexele kirin. Yek jê bi giranî nêzî deh kesan birîndar bûn. Her wiha polîsan bi bombeyên gazê û ava şid welatî ji qadê derxistin, konên ku hatine vedan şewitandin, ne tenê kon, her wiha mitfaq û destav jî şewitandin.
(Ev nûçe saet li dor 12'yê nîvê şevê hatiye amadekirin)
DÎHA
***
Nûçeya eleqedar:
- (Deqeya Dawî) Kurdên sînor derbas kirin rastî muduxeleyê hatin