Serokê Parlemena Başûrê Kurdistanê Kemal Kerkûkî, Hevserokê Meclisa Rojavayê Kurdistanê Ebdulselam Ehmed, Cîgrê Serokê Parlemena Kurdistanê Cefer Îbrahîmî û Hevseroka PÇDK'ê Necîbe Omer di Kongreya HDP'ê de axivîn.


Kerkûkî silavên Barzanî anîn Enqereyê
Serokê Parlemena Başûrê Kurdistanê Kemal Kerkûkî li ser navê Hikumeta Başûr bişdarî Kongreya HDP'ê bû û silavên Mesûd Barzani pêşkeşî kongreyê kir. Kerkûkî got ku ez silavê birêz Barzanî pêşkêşî BDP, HDP û nûnerên partiyê dikim, ev rojek girîng e ji bo gelê kurd û pîroz be kongreya we.
Kerkûkî li ser azadiya kurdan, têkiliya yekîtiya kurdan sekinî.
Kerkûkî wisa got: "Bihara Erebî di sala 2011'an de dest pê kir, lê bihara kurdan ev 100 sal in bi berxwedan û têkoşînê didome."
Kerkûkî got ku dê kurd û Kurdistan serfiraz bibe, got ku li Rojhilata Navîn ji bo azadiya xwe em bi hev re kar bikin.

Hevserokê Meclisa Rojavayê Kurdistanê Ebdulselam Ehmed:
Min silavên YPG û YPJ ji bo we anîn (Gel bi çepikên mezin ev gotina wî pêşwazî kir).
Qala Bihara Erebena dikin. Bihara Ereban bû payîz, bû zivistan, bû tofan, êdî bihar Bihara Kurdan ye. Îro derfet ji bo miletê kurd heye.
Me digot DIAŞ hov e, kesî nedidît, îro baştir tê dîtin. Li Rojhilata Navîn sêyemîn Şerê Cîhanê dest pê kiriye.
Em xwedî têkoşînin, em xwedî bawerî ne. Em vê dibêjin şikandina şoreşa Rojava dê bibe şikandina hemû kurdan. Gere her kes xwedî li berxwedana Rojava derê, destek bike. Sînor dor li Rojava girtine lê miletê me di seferberiyê de ye. Serketina Rojava dê bibe serketina hemû Kurdan.

Cîgrê Serokê Parlemena Kurdistanê Cefer Îbrahîmî û Hevseroka PÇDK'ê Necîbe Omer jî di kongreyê de axivîn û silav û serketinên xwe ji bo kongreyê pêşkêş kirin.


...Ji kongreyê emê agahiyên nû pêşkêş bikin...