Diyarname

Li gorî nûçeya rojnameya Radikalê (17/07/2008) kanala Radyo û Televîzyonê ya Tirkiyeyê (TRT) ya kurdî ku tê plankirin di nava sala îsal de dest bi weşanê bike rastî pirsgirêka spîkeriyê hatiye. Ango TRT’ê nekariye kurdekî kurdî baş dizane, entelektuel, sicîla wî ‘temîz’ û bêsabiqe ji bo pêşkêşvaniyê peyda bike. Ji ber vê yekê jî TRT niha di nava xebatkarên xwe yên herêmê de kurdekî kurdî dizane, bêsabiqe û sicîla wî ‘temîz’ digere.

Der barê mijarê de di nûçeya rojnameya Radikalê de wiha tê gotin: “TRT ku bi zagoneke di encama danişîneke bi nîqaş de li TBMM’ê hate qebûlkirin dest bi xebata kanala kurdî kir, li aliyekî ve xebatên xwe yên teknîkî dimeşîne, li aliyê din jî li kadroyeke ku kurdî dizane digere. Ancax li gorî agahiyên ku hatin bidestxistin; xebatên ku ji bo kanalê tên meşandin, ji ber ku personelekî bi taybetiyên ku tên xwestin peyda nabûye sist bûye. TRT ku li pêşkêşvanekî kurdî baş dizane, entelektuel, sicîla wî temîz û bêsabiqe digere, ji ber ku kesekî van hemû taybetiyan di xwe de dihewîne peyda nekireye, niha li riyekî digere ku pirsgirêkê di nava saziyê de çareser bike. Rayedarên ku hewl didin di nav personelê li Rojhilat û Başûrê Rojhilat de kesên ku dikarin bibin pêşkêşvan tespît bikin, diyar dikin ku bi çareserkirina vê pirsgirêkê re dê lez bê dayîn ji bo xebatên weşanê.”

Di nûçeyê de tê gotin: “TRT ji bo weşanên bi zimanên din jî li personelan digere, lê hatiye diyarkirin ku ji ber ku erebî û farisî di zanîngehan de têne fêrkirin dê peydakirina personelê van beşan wekî kurdî nebe pirsgirêk.

Li aliyê din nîqaşa têkildarî cihê (navenda) kanalên ku dê bi zimanên etnîkî yên din weşanê bikin jî bi dawî bû. Biryar hate dayîn ku dê navenda weşanê Enqere be.

Ji dewsa ji bo TV’ya Kurdî tehsîskirina qanaleke TRT’ê ya heyî ku berê dihat nîqaşkirin fikra avakirina kanaleke nû jî di encama nirxandinan de hate qebûlkirin. Navê kanalê jî dê bi reqemê were îfade kirin.”