Amed

Li avahiya Rêxistina Bajêr a DTP'a Amedê, pêşengeha wêneyên li ser Girtîgeha Amedê ya dema derbeyê de, vebû.

Wênesaz Zulfîkar Tak li avahiya Rêxistina Bajêr a DTP'a Amedê, pêşengeha wêneyan vekir. Wêneyên di pêşangehê de hatine bi cih kirin li ser Girtîgeha Amedê ya dema derbeya 12'yê Rezberê de ye.
Wêneyên metodên îşkenceyê ku li ser girtiyan hatin kirin, wêneyên girtiyên ku di girtîgehê de şehîd ketin di pêşangehê de têne pêşkêş kirin. Di pêşengehê de wêneyên Mazlum Dogan, Necmî Oner, Mahmut Zengîn, Ferhat Kurtay, Kemal Pîr, M. Hayrî Durmuş û Akîf Yilmaz jî cih digirin.

Li pêşengehê pankartên têde gotinên wekî "Em bi qasî ku ji bo wê dikarin bimirin ji jiyanê hez dikir" (Kemal Pîr), "Li ser berkoleya min 'deydarê gel e' binvîsin" (M. Hayrî Durmuş), "Partiya me ne teslîmbûn, berxwedan hînê me kir" (Alî Çîçek) û "Avê li me nekin, agirê venemirînin, kî av bavêje, xayîn e" (Necmî Oner, Mahmut Zengîn, Ferhat Kurtay û Eşref Anyik) cih digirin hatin daliqandin.

Temaşevanan eleqeyeke mezin nîşanî pêşangehê da.