Diyarname
Vê sibê du caran xwîn çû ser mejiyê rojnameger Huseyîn Aykol û ew girtin cihê nexweşên giran. Aykol ku li Enqereyê dijiya, duh êvarê nexweş ketibû û rakiribûn Nexweşxaneya Sincan Egitim ve Araştirmayê. Li wir diyar bûbû ku xwîn çûye ser mejiyê wî.

Vê sibê carek din xwîn çûye ser mejî. Doktoran mudexele kir û ew emeliyet kirin. Doktoran piştî tomografiya mejiyê gotin ku hê nediyar e emeliyetek din divê yan na, lê rewşa wî giran e.

HUSEYÎN AKYOL KÎ YE?
Rojnameger di sala 1952'yan de li Salihliya Manîsaya Tirkiyeyê hatiye dinê. Wî dibistana seretayî li Salihli. Wî l Enqereyê Fakulteya Tibê ya Zanîngeha Enqereyê xwendiye, dûre Fakulteya Siyasal Bilgiler xwendiye. Di pola dawî ya vê zanîngehê de hatiye girtin û li dadgehên leşkerî ya derbeya 12'yê Rezberê hatiye darizandin. Aykol piştî 10 salên girtîgehê careke din ev zanîngeh xwendiye û temam kiriye.

Aykol di salên 1970'yan de li nav çapemeniya çepgir û muxalif de cih girtiye. Pêşî di kovara “Sosyalizm: Teori ve Pratik” de xebitiye û dûre di gelek kovar û rojnamegeran de xebitiye, edîtorê û rêveberî kiriye.

Ji salên 1990'an ve ew di nav çapemeniya kurdan de dixebite. Ligel xebatan li nav rojnameya Ozgur Gundem û yên dûre hatin, wî li ser çapemeniya kurdan pirtûk jî amade kirin.

Herî dawî Aykol di rojnameya Yenî Yaşamê de dinivîsand.

Di sala 2018'an de Dadgehê bi îdîaya "Propagandaya rêxistinê" cezayê 3 sal û 9 meh a hepsê lê birî.

Hin pirtûkên wî ev in:

- Ozgur Basin Tarihi

- İlginç Zamanlarda Yaşamak

- Apê Musa 100 yaşında

- Kurt Medyasinda 20 yil