Diyarname
Partiya Komunîst a Çînê ku ev 74 sal in li desthilatdariyê ye niha hejmara endamên wan derket ser 75 mîlyonî.

Li gor agahiya buroya birêxistinkirinê di sala 2007'an de hejmara endamên Partiya Komunîst a Çînê (PKÇ) derketiye 74 mîlyon û 150 hezarî.
Serjimara Çînê 1,3 mîlyar e. Ji endamên PKÇ'ê 15 mîlyon û 120 hezar (sedî 20,4) jin in, 4 mîlyon û 790 hezar (sedî 6,5) ji komên kêmneteweyan in, 17 mîlyon û 300 hezar (sedî 23,3) temenê wan di bin 35'an re ne û yên din jî (sedî 52,6) temenê wan di navbera 36 - 59'an de ye.

Par 16 hezar kesên ji pîşeyên wekî karsaz, parêzer, jimarkar dîsa rêveberên şîrketên taybet ên biyanî ku li Çînê rêveber in jî bûn endamên partiyê ku navê "tebeqeya civakî ya nû" li wan hate kirin.

Bi temamî 3 mîlyon û 660 hezar heb rêxistinên wê yên bingehîn hene.
PKÇ di 1'ê tîrmeha 1921'ê de li Şanghay hate avakirin. Yekemîn car dekanê Zanîngeha Pekînê Çen Duşiu kiribûn sekreterê giştî yê partiyê. PKÇ di bin rêveberiya Mao Zedung de di 1'ê kewçêra 1949'an de şoreş pêk anî û Komara Gel a Çînê ava kir.