Diyarname
OHAL (Rewşa Awarte) ku kurd nebiyaniyê wê ne, niha tirk jî hînê wê dibin. Hikumetê bi biryara ku Sitand, li Stenbolê rewşeke wekî OHAL'ê derket holê.
1'ê Gulanê Roja Karkerên Cîhanê ye. Li Tirkiyeyê ev roj bi awayekî fermî hatiye qebûlkirin û roja betlaneyê ye. Ji rêxistinên karkeran hin (wekî Turk-İş) li Kadikoyê dê bi mîtîngê Roja Karkeran pîroz bikin, hin jî (wekî KESK, DÎSK) dixwazin li Taksîmê rojê pîroz bikin. Hikumetê, Wezîrê Karên Derve yê Tirkiyeyê çend roj berê de eşkere kir ku ew destûrê nadin. Lê KESK, DÎSK û hin rêxistin û partiyên pêre biryar dan ku çi dibe bila bibe dê herin Taksîmê. Lewma hikumetê rewşek awarte ragihand.
Gelek polîs, erebeyên wan TOMA hatine peywirdarkirin, kuçe û kolan hatine girtin, metro, metrobus û seferên keştiyan hatin betalkirin.
Li gor agahiyên ku hatin vaye rewşa dawî:
- Ji bo rêlibergirtina pîrozbahiyê û derketina Taksîmê 40 hezar polîs hatine peywirdar kirin. Pêre jî komek TOMA.
- Ji Herêma Anadolî heta Herêma Ewropa seferên metrobusê hatin betalkirin.
Metrobus ji Beylîkduzu heta Topkarî dê kar bike, ji wir wêdetir dê kar neke.
- Fînîkulera Kabataş-Taksîmê hat betalkirin.
- Metroya ji Yenîkapi-Taksim-Haciosmanê beşek mezin hate betalkirin. Tenê ji Haciosman heta Leventê kar bike, jê wêdetir betal e.
- Tramvayê Bagcilar-Kabataşê tenê heta Topkapi dê bixebite, jê wêdetir betal.
- Keştiyên ji Kadikoy ji bo Karakoy, Emînonu, Sîrkecî û Beşîktaşê diçin û tên hatin betalkirin.
Her wiha kolan û kuçeyên ku derdikevin Taksîmê jî hatine girtin.
***
REKLAM:
Kurt Tarihi meseleya nasnameya kurdbûnê ya Bedîuzzeman digire dest