Riha

BDP'ê di çarçoveya mîtîngên ji bo hilbijartinê de li Wêranşarê fînal çêkir.

Mîtang li Qada Festîvalê ya Qerejdax li dar ket. Berendamên Hevserokên Şaredariya Bajarê Mezin a Rihayê Osman Baydemîr û Leyla Akça, Berendamên Hevserokên Şaredariya Wêranşarê Emrullah Cin û Filiz Yilmaz, her wiha rêveberên şaredariyên BDP'ê û rêxistinên bDP'ê beşdar bûn.

Şaredar Ahmet Yazmalar ku ji AKP'ê îstîfa kiribû û beşdarî BDP'ê bûbû jî di mîtîngê de amade bû û axaftinek kir. Yazmalar got: "Ji ber ku we ev rûmet daye min ez gelek sipasiyên xwe pêşkêş dikim."

Baydemîr jî di axaftina xwe de wisa got: "Diza ji diza dizî erd û ezman lerizî. Emê bibin dengê hemû rihayiyan. Îro 2 hezar cotkarên ji Wêranşarê ji ber deynê elektrîkê di asta îcrayê de ne. Ji we re dibêjin diz, ji bo şîrketê tehsîldarî dikin. Her dengek ku hûn bidin BDP'ê em dê pê deynên xwe yên 90 salan ji Enqereyê bigirin."

Piştî vê mîtîngê hem mîtîngên BDP'ê temam bûn, hem jî jixwe qedexeyên hilbijartinê dest pê kirin. Êdî her kes li benda êvara 30'ê adarê û encaman e.