Diyarname

18 endamên Parlemena Ewropayê ji bo çavdêriya hilbijartina 30'ê adarê xwest Yekîtiya Ewropayê (YE) heyeteke çavdêr bişîne Tirkiyeyê.

18 mebûsên PE'yê ji bo Nûnera Bilind a Karên Derve ya YE'yê Catherine Ashton û endamê komîsyona YE'yê yê ji berfirehkirinê berpirs Stefan Fule nameyeke şandin û gotin ku pêşketinên dawî yên li Tirkiyeyê, rewşa hiqûqê, parvekirina destihatdarî ya ji aliyê saziyên dewletê ve û hurmeta ji bo mafên mirovan ên bingehîn nîşan daye ku di hilbijartinê de pêdivî bi heyeta çavdêr heye.

Serokwezîrê Tirkiyeyê Recep Tayyip Erdogan di balafirê de li ser pirseke ji bo rojnamegeran got ku ji bo hatina heyeta çavdêr tu astengî nîn in.