KOBANÊ

Piştî Cizîrê, Kantona Kobanê jî îro rêveberiya xwe ya xweseriya demokratîk îlan kir. Di civîna Meclisa Qanûnsaziyê ya Rêveberiya Xweseriya Demokratîk a Kantona Kobanê de Serokê Meclisa Rêveber, du alîkar û 22 wezîran sond xwarin.

Civîna Meclisa Qanûnsaziyê ya Rêveberiya Xweseriya Demokratîk a Kantona Kobanê li Navenda Çand û Hunerê ya Baqî Xido bi beşdariya hemû endamên Meclisa Qanûnsaziyê saet di 09.00’an de dest pê kir. Di civînê de Serokê Meclisa Qanûnsaziyê Nîhad Ehmed axaftina destpêkê kir û xêrhatina mêvanan kir. Piştî deqeyek rêz hate girtin Hevserokên Meclisa Qanûnsaziyê Nihad Ehmed û Fewziye Ehmed axivîn.

Dûre Serokê Meclisa Rêveber a Kantona Kobanê Enwer Mislim hat ser dikê û navên wezîran xwend. Wezîrên ku navên wan hatin xwendin jî yek bi yek derketin ser dike û piştre ji aliyê meclisê ve hatin erêkirin.

Dûre wezîran yek bi yek sond xwar.

Vaye navê Serokê Meclisê, cîgirên wî û 22 wezîran:

Serokê Meclisa Rêveber a Kantona Kobanê (Serokwezîr): Enwer Mislim

Cîgira Serokê Meclisa Rêveber: Bêrîvan Hesen

Cigîrê Serokê Meclisa Rêveber: Xalid Birgil Mehemed

Wezîrê Karên Derve: Îbrahîm Kurdo

Wezîrê Parastinê: Îsmet Şêx Hesen

Wezîrê Karên Hundir: Ehmed Osman Dadilî

Wezîrê Rêveberiyên Herêmî û Şaredariyan/Komîtiya Plankirin û Jimartinê: Mistefa Ebdî Mehemed

Wezîra Maliyê: Eliya Sîdî

Wezîrê Karûbarên Xebat û Karên Civakî: Mehmud Bişirî Beşar

Wezîrê Perwerdeyê: Hisên Mehemed Elî

Wezîra Çandiniyê: Gulistan Etî Bikî

Wezîrê Tenduristiyê: Dr. Neesan Ehmed

Wezîrê Bazirganî û Aboriyê: Mehmud Bozan Mislim

Wezîrê Malbatên Şehîdan: Mehemed Şeban

Wezîrê Çandê: Ebdilrezaq Elî

Wezîrê Veguhestinê: Riyad Temo Mistefa

Wezîrê Ciwan û Werzîşê: Welat Derwîş Derwîş

Wezîra Turîzm û Şunwariyê: Mîdya Hemo Genco

Wezîrê Karûbarên Olî: Mehemed Zahir Mistefa

Wezîra Karûbarên Jin û Malbatê: Wehîde Umer

Wezîrê Mafên Mirovan: Faruk Şahîn

Wezîrê Çavdêriyê: Ehmed Daban

Wezîra Enformasyonê: Şevîn Mehmud

Wezîrê Edaletê: Ewas Xelîl Elî

Wezîrê Enerjiyê: Fazil Mistefa Ehmed

Piştî axaftinan wezîr hatin pîroz kirin û civîn bi dawî bû. Piştî civînê beşdar tevlî şahiya pîrozbahiya îlankirina rêveberiyê ku saet 12.00’an de li dar ket.

Xweseriya Demokratîk a Kantona Cizîrê, di civîna 21'ê rêbendanê de hatibû îlankirin.

Di encama civîna duh a Meclisa Qanûnsaziyê ya Xweseriya Demokratîk a Kantona Efrînê de, biryar hat dayîn ku rêveberiya Kantona Efrînê jî di 29'ê rêbendanê roja çarşemê bê îlankirin.

Li her sê kantonan jî di nava çar mehan de dê hilbijartinên giştî werin kirin û parlamenterên kantonan bên nûkirin.