PARÎS

Ligel xwediyên Xelata Nobelê, gelek kesên navdar, siyasetmedar û nûnerên rêxistinên civakî yên sivîl, ji bo kurd di 22'ê rêbendanê de bi navê xwe beşdarî civîna li Cenevre-2'yê bibin, dest bi kampanya îmzeyan kirin.

Ji bo kurd bi heyeteke serbixwe beşdarî konferansa navneteweyî ya Cenevreyê ya 22-24'ê rêbendanê bibin, li qada navneteweyî kampanya hat destpêkirin.

Di nava kesayetên ku destpêkê kampanya îmze kirine  de Xwediyê Xelata Aştiyê ya Nobelê ya 2009'an Venkatraman Ramakrishnan, Xwediyê Xelata Wêjeyê ya Nobelê ya 1997'an Dario Fo, Xwediya Xelata Nobel a Alternatîf Ann-Margarathe Livh, Partiya Çep a Parlamenta Ewropayê, Endamê Kongreya DYA yê navbera salên 2003-2011 Licoln Davis, Wezîrê Ragihandinê yê Pirneteweyan ê Bolîvyayê Sebatian Michel, Parlamenterê Partiya Çep ê Swêdî Lars Ohly, Serokê Herma Dollah Omar a ANC Faîzel Moosa, Parlamenterê Keskan ê Parlamenta Swêdê Valter Mutt, Seroka Komîsyona Welatiyan a Yekitiya Ewropa-Tirkiye Karianne westrheim, ji Kameraya Lordan a Îngilîstanê Lord Hîlton û Lord Rean hene.

Metna kampanyayê wekî nameyekê ji Serokên Neteweyên Yekbûyî (NY), DYA, Yekîtiya Ewropa (YE), Rûsya, Çîn, Afrîka Başûr û hemû dewlewtên Ewropayê de hat şandin.

Metnê kampanyayê wê bi îmzeyên hatine avêtin re jî wê careke din ji mûxatabê konferansê re bê şandin.

Di metna îmzeyê de tê gotin, "Em piştgiriyê didin hewldanên çareseriyê, ku ji bo ji şerê li Sûriyeyê çareyek bê dîtin hatine destpêkirin. Wekî dewama van gavan em hêvîdarin ku wê Cenevre-2'yê ya di 22'ê rêbendanê de pêk were, çareseriyeke aştiyane û mayinde bi xwe re bîne."

Di metnê kampanyayê de tê gotin ku têkoşîna gelê kurd a li Rojava ne tenê ji bo kurdan ji bo demokratîkbûyîna tevahiya Sûriyeyê ye û yekîtiya gelan hat destnîşankirin.

Kesayetên xwedî îmze bibîr xistin ku kurdên li Sûriyeyê dijîn li her qada navneteweyî dane xuyakirin ku ew piştgiriyê didin hewldaneke bi vî rengî û gotin, "Gelê kurd ji bo jiyaneke bi nasnameya kurd û azad li Sûriyeya demokratîk, têdikoşe. Li Rojava kurdan ne serê xwe li ber zexta rejima dewleta Sûriyeyê, ne jî serê xwe li ber komkujiyên komên ser bi El Qaîdeyê ve netewandin. Kurd li Sûriyeyeke demokratîk dixwazin li ser bingeha xweseriyê û mafên wekhev, bi hemû gel, ol û mezhebên cuda bi hev re bijîn. Ji xwe Sûriye xwedî binyatiyeke pir çandî, pir bawerî û pir qewmî ye."

Kesayetên navdar diyar kirin ku divê Konseya Bilind a Kurd beşdarî Cenevre-2 bibe û destnîşan kirin ku ji bo hîn bêtir îmzeyan kom bikin, ewê hewldanên xwe dewam bikin.

Di daxuyaniyê de hat gotin, "Em wekî akademîsyen, siyasetmedar, parêzvanên mafên mirovan û zanyarên îmzeya xwe avêtine piştgiriyê didin ku kurd bi heyeteke bi navê Desteya Bilind yekser di Konferansa Cenevre-2 de bên temsîlkirin."

Di daxuyaniyê de hat xwestin ku kesayetên dixwazin metnê îmze bikin, desteka xwe bişînin navnîşana: kongrakurdistan@gmail.com 

Hin kesayetên îmzeya xwe avêtine ev in:

Venkatraman Ramakrishnan, Xwediyê Xelata Aştiyê ya Nobelê (2009) Hîndîstan

Dario Fo, Xwediyê Xelata Wêjeyê ya Nobelê, Îtalya (1997)

Dr. Vandana Shiva, Xwediya Xelata Nobelê ya Alternatî - Hîndîstan

Ann-Margarethe Livh, Alîkara Serokê Konseya Mûxalîf a Bajarê Stockholmê, Swêd

Mikael Gustafsson – Endamê Koma Çep a Parlamenta Ewropayê - Partiya Çep a Swêdê

Lincoln Davis, (2003-2011) Endamê Kongreya DYA 

Shudhakar Reddy, Sekreterê Giştî yê Partiya Komunîst a Hîndîstanê

Sebastian Michel, Wezîrê Bolîvyayê yê ji Pirneteweyan Berpirsyar

Lars Ohly – Serokê Partiya Çep a Swêdê û Parlamenter

Hans Linde – Parlamenter û Berdevkê Partiya Çep a Swêdê

Torbjörn Björlund – Parlamenterê Partiya Çep a Swêdê

Igshaan Higgins – Akademiya Lîderên Ciwan-Afrîka Başûr

Solly Mapaila – Sekreterê Giştî yê Partiya Komunîst a Afrîka Başûr

Judge Essa Moosa - Serokê KHRAG, Afrîka Başûr

Faizel Moosa - Serokê Herêma Dullah Omar a ANC - Afrîka Başûr

Ebrahim Wise – Herêma Dullah Omar ANCYL RTT, ANCYL RTT Berpirsyarê Pêşvebirina Aboriyê - Afrîka Başûr

Kariane Westrheim – Seroka Komîteya Sivîl a Yekitiya Ewropa-Tirkiye û Profsora University of Bergen Profesör, Norwêc

Kurdo Baksî - IPPNW, Almanya

Dr. Gisela Penteker – Nivîskar û namzeta keskan a Parlamenta Ewropayê - Almanya

Lord Hylton- Kamera Lordan; Îngilîstan

Lord Rea- Kamera Lordan; Îngilîstan

Jean Lambert - Endamê Parlamenta Ewropa, Îngilîstan

Jill Evans - Endamê Parlamenta Ewropa, Îngilîstan

Hywel Williams - Parlamenter, Îngilîstan

Bruce Kent - Alîkarê Serokê Buroya Aştiyê ya Navneteweyî, Îngilîstan

Robert Olson - Profesorê dîroka Îslamê ya Zanîngeha Kentucky

Tony Simpson - Nivîskar û Rojnamevan

Bertrand Russell - Weqfa Aştiyê; Îngilîstan

Nick Hildyard - Çavdêrê Polîtîk, Îngilîstan

Felix Padel - Profesorê Zanîngeha Jaipur – Hîndîstan û Îngilîstan

Tove Skutnabb-Kangas,

Dr.Phil. - Denmark/Finland

Rezan Saleh - Serokê Komeleya Pêşketina Hunerî ya Navbera Çandan - Ewropa

Margaret Owen OBE - Parêzera mafên mirovan a navneteweyî

Melanie Gingell - Parêzer, Îngilîstan

Maggie Bowden - Sekretera Giştî ya ‘Liberation' - Îngilîstan

Hugo Charlton - Parêzer; Îngilîstan

Joost Jongerden - Asîstanê Profesorê Zanîngeha Wegeningen