Diyarname

Şaredarî kurdan ê destê BDP'î de her roj tewr zehf serê kurdî de xebatey xo kenê vila. Dimay Şaredariyey Bajarê Pîle a Amedî ke tabeley xo a bi kurdî jî daleqna, eyro jî Şaredariyey Dêrsime û Şaredariyey Farqînî tabelay xo daleqnay.

Şaredariyey Dêrsime tabelaya "Tuncelî Belediyesi" bedelna kerd "Dêrsim Belediyesî". Hevserokê BDP'y Dêrsime Ergin Dogru vat ke yînan rastiya ke her kesî qebûl kerda, ma bi away sembolîk jî na rastî daleqna û ma eney diyarî şarê xo kenê.

Gorey vatişî, Şaredariyey Dêrsime di rojanê vernî made go çekûy "Belediye" jî bibedelnê û bikerê kirmanckî.

Şaredariyey Farqîne jî tabelay xo ya bi kurdî kalekey tabelaya tirkî de eyro daleqna. Şaredarî tabelaya ke sero "Şaredariya Farqînê" hamebî niştiş daleqna. Sedemo kalekey tabeleya bi tirkî de ca çinê bî, şaredarî tabelaya bi kurdî qatey çaran de daleqna ke her kes bivîno.

BDP û KCD'ê kampanyaya ke verî dabî dest pa kerdişî de, waşt bî ke heme cayan de tabelayê bi kurdî bêrê xebetnayişî.