Diyarname

Mebûsê BDP'ê yê Culemêrgê Adil Zozanî li Meclisa Tirkiyeyê got: "Soz emê peykerê Şêx Seîd li meydana Amedê biçikînin, ev deynê stûyê me ye."

BDP'ê ji bo gora Şêx Seîd û 46 hevalên wî, Bedîuzeman, Seyîd Riza Seyîd Ebdulqadir û kurê wî Seyîd Mihemed, Dr. Fûad û Şêx Esadê ji Hewlêrê bê dîtin pêşniyardaxwazek dabû meclisê. Ew pêşniyardaxwaz li meclisê hat nîqaşkirin. Mebûsê  BDP'ê yê Culemêrgê Adil Zozanî li ser vê yekê mafê axaftinê girt û axivî. 

Vaye ji axaftina Zozanî ya ku li meclisê kir çend not:

- Ji bo me cihê dilxweşiye ku me gotina Seyîd Riza ji bîr nekiriye û em vî derdî (Seyîd Riza ku gotibû bila ji bo we bibe derd, li ser wê dibêje) li ser axa Seyîd Riza bi kesên ev yek ji bo Seyîd Riza rewa dîtine didin jiyandin, emê bidin jiyandin jî.

- Em dixwazin cihê gora Seyîd Riza bê eşkerekirin. Ji bo vê yekê jî em ji mebûsên li meclisê alîkarî dixwazin.

- Soz emê peykerê Şêx Seîd li meydana Amedê biçikînin, ev deynê stûyê me ye.

- Bedîuzeman Seîdê Kurdî di hemû jiyana xwe de ji bo biratiya gelên li Anadolî û  Mezopotamyayê têkoşîn da, ji bo ziman û dîroka kurdî têkoşîn da. Lê mixabin berhemên wî hatin berevajîkirin, ew kirin amûrek li dijî gelê kurd. Lê ev rûpela dîrokê jî digirin.

Gora Seîdê kurdî li goristana kevn a Barla ya Ispartayê ye û bi navê kesek ku roja bûyîn û mirina wî nediyar hatiye definkirin.

Di navbera Zozanî û mebûsên AKP'ê de nîqaş derket. Li ser vê yekê Wekîfê Serokê Koma BDP'ê Îdrîs Baluken ket navberê û got: "Bi salan zihnetek li Amedê li ser gora Şêx Seîd, li meydana Amedê meyxane vekirin, li wê derê fîlmên tazî nîşan dan. Em wekî gelê kurd em li dijî vê zihniyetê derdikevin û emê Şêx Seîd Efendî li Amedê bibîr bînin."