Diyarname

Nivîskar û rojnameger Ruşen Çakir* 6 meh berê bi Şivan Perwer re hevpeyvînek kiribû. Di roja ku nîqaşa Şivan Perwer ligel Mesûd Barzanî li ser vexwendina Serokwezîrê Tirkiyeyê Recep Tayyip Erdogan dê bê Amedê em beşek ji wê hevpeyvînê bibîra xwendevanan dixin. Bêşirove:

- Hevdîtineke we ji dil a bi Arinç re çêbû. Hikumet der barê we de her peyamên erênî dide. Lê hûn di vegerê de dudil in. Gelo hûn difikirin ku dê hin tişt şaş bêne fêmkirin?

Perwer: Ev hemû baş in, xweş in lê li holê pirsgirêkek heye. Pirsgirêka kurd heye û ez ji wê ne cuda me. Ev pirsgirêka ku bi salan bi Tirkiyeyê êş daye kişandin tenê bi min, yan jî bi hezkirina ji Şivan çareser nabe! Li wê derê gelekî heye. Pirgsirêk ku mirov ji ber wê ketine hepsê, hatine qewitandin, hatine sirgûnkirin, hatine kuştin heye. Şivan Perwer tenê ji ber stranên xwe nereviya! Şivan Perwer got "Kurdistan", got "azadî", got "rastî". Em gelekî ne, wekî her gelê mafên me jî hene. Çima ew qas xirûra me diêşînin? Çima dixwazin ew qasî me înkar bikin? Çima hê li ser çiyayên me 'Çi serbilindiye mirov bibêje ez tirk im' nivîsandî ne? Ger dewlet min hembêz nake, min û nirxên min ên ez xwedî wan im naparêze ez çawa ji wê dewletê hez bikim?

- Hûn ditirsin ku dewlet we bikar bîne?

Perwer: Ger ji min hez dikin ez sipas dikim. Hezkirin xweş e. Hikumet jî dixwaze ez vegerim. Baş e lê dê kurdên min çi pê bê? Dewlet pêşî bila bi kurdan re rûnê, ne bi min re.

Hevpeyvîn: Ruşen Çakir, 25.04.2013, Vatan