Diyarname
Ji rojan 24 rezber, ji salan 1996, li ser axa kurdan bi her awayî berxwedan didome. Helbet li girtîgehan jî.
Saet nêzî 11'ê berî nîvro, cih Girtîgeha Amedê ku heta niha bûye cihê berxwedanê û ji niha û pêde jî dê vê berxwedana xwe bidomîne. Hêzên ewlehiyê yên dewletê: Leşker, polîs, gardiyan... Bi çovan, darên mizmarîn û bi jopan dor li 33 girtiyên kurd digirin... Dengê girtiyan camên girtîgehê dişkînin...
Di encama vê êrîşa hov de 10 girtî bi awayekî hovane hatin kuştin, 23 girtî jî birîndar bûn; hin ji wan ji mirinê filitîn. Îsal li ser vê bûyerê, li ser kuştina van deh lehengên kurd belgefîlmekî hat kişandin. Belgefîlmê bi navê "Mazgal" ku Cemil Oguz kişandiye, careke din bûyerê derdixe ber ronahiyê, dike ku bûyer ji jibîrkirinê rizgar bibe.
Belgefîlm pirsa 'mirovek çawa dikare bi lêdanê bê kuştin?' dike û dikeve dû kîteyên bûyerê. Derhêner bi kesên ji mirinê filitîn, bi şahidên wê demê re axivî û careke din bûyer derxist rojevê.
Di belgefîlm de ji girtiyên mirinê filitîn Mehmet Pehlivan û Yavuz Eken, ji dayika yek ji wan şehîdan Hakki Tekin Sureyya Tekin û parêzerê girtiyan, Sekreterê Giştî yê Baroya Amedê yê wê demê Sezgin Tanrikulu diaxive...
"Mazgal" duyemîn belgefîlmê Cemil Oguz e. Oguz di sala 2011'an de belgefîlmê bi navê "Rewşen" kişandibû û belgefîlm li gelek festîvalan hatibû nîşandayîn.
Kunye:
Nav: MAZGAL
Senaryo û Derhêner: Cemil Oguz
Vesazkirin: Mehmet Dalmaz, Cemil Oguz
Kamera: Erdal Qirix, Erhan Yildiz, Ubeydullah Hakan
Yên axivîne: Mehmet Pehlivan, Yavuz Eken, Surreya Tekin, Sezgin Tanrikulu
Muzîk: Tara Caff "Ruhî Rewan"
Tebeşîr Foto: Mehmet Oguz
Dengdayîn: Fethullah Ozmen, Bedel Boselî, Cemil Oguz, Marîn Rehmanî, Helîm Şûjinkî Macit, Samet Kardaş
Ziman: Kurdî (kurmancî-kirmanckî) û Tirkî
Mawe: 49 deqe
Sala Kişandinê: 2013
***
Nivîsa eleqedar:
- Belgefîlmê 10 Canan "Mazgal"
- JI ŞERÊ JIYANÊ RE CÎH NE GIRÎNG E..!