Diyarname

Festîvala Porteqala Zêrîn a Antalyayê îsal 50'emîn car dê deriyên xwe veke. Di nav dîroka festîvalê de îsal ji bo serîlêdanan rekorek pêk hatiye. 

Festîval ji aliyê AKSAV (Weqfa Çand Hunerê ya Antalyayê) û Şaredariya Antalyayê ve tê organîzekirin. Li gor agahiyên ku amadekaran pêşkêş kirine îsal di warê fîlmên metrajdirêj de 68 fîlmî serî li festîvalê daye û ev yek di dîroka 50 salan a festîvalê de wekî rekorek tê hesibandin. Ji van 68 fîlman 46 fîlm fîlmên yekemîn ên derhêneran in.

Di warê kurtefîlman de jî 206 kurtefîlmî serî lêdaye. Di beşa belgefîlman de jî 99 belgefîlm ji bo festîvalê hatine şandin ku ji van 45 belgefîlm ê derhênerên ku yekemîn car belgefîlm dikişînin in.

Ev fîlm û belgefîlm piştî neqandina pêşîn a juriyê hinek dê dê bikevin pêşbaziyê û bêne nîşandayîn.

Xelata mezin a festîvalê 100 hezar TL ye.