Vîdeoyek:
 

HELEBÇE
Li parêzgeha Helebce 11’emîn Festîvala Hinaran bi beşdariya rêjeyek berçav ya cotkar û jinên xwedî destrengîn roja 30'ê mehê dest pê kir.

Di festîvalê de ji aliyê Rêveberiya Çandiniyê ve 630 cihên taybet ji bo nîşandana berhemên cur bi cur hatine amadekirin. Ji van 30 cih ji bo berhemên navxweyî û 10 cih jî ji bo hingivê xwemalî hatiye diyarkirin.

2300 COTKAR KAR DIKIN
Li gorî Rêveberiya Çandiniyê ya Helebceyê ragihandî, li parêzgeha Helebceyê 10 hezar û 600 donim erd hinar heye ku tê de nêzîkî 2 hezar û 300 cotkar kar dikin.

PÊŞANGEHA WÊNEYAN
Di çarçoveya festîvalê de pêşangeha wêneyan jî hat vekirin. 32 wênegirên ji Başûr û Rojhilat wêneyên xwe peşkeş kirin.

Wênegir Kosar Ebdulqadir ku cihê xwe di pêşengehê de girtiye ji Rojnews’ê re axivî û got: “Wekî Komeleya Wênegirên Kurdistanê Şaxê Helebceyê, bi hevkariya Rêveberiya Giştî ya Çand û Ciwanan, mêvandariya komek wênegirên ji Sineyê kir. Me pêşangehek wênekêşiyê ji bo hinar û berhemên wan veqetandiye. Armanca me ew e ku bi rêya vê pêşengehê ciwaniya berhemên herêmî nîşanî mêvanan bidin. Ev pêşengeh nîşan dide ku xelkê sînor çiqas giringî dide berhemên navxweyî û hinaran.”

Li Helebçeyê 2300 cotkar bi karê hinaran re radibin.