BERLÎN

Yek ji kovarên siyasî û analîz a almanî Zenith, di hejmara xwe ya nû de bi berga Kurdistan derket. Di hejmara Tîrmeh/Gelawêjê de ku ji du mehan carekê derdikeve, li ser bergê kovarê pirsa “Ma hê jî ev welat dikare were astengkirin?” kir û neqşeya Kurdistanê weşand.

Kovara  Zenith a bi taybet mijarên li cîhana Îslamê û welatên Rojhilata Navîn ên siyasî, çandî, aborî û civakî lêkolîn dike, di hejmara xwe ya nû de bi dosyaya Kurdistanê derket.  Kovara ku li welatên bi almanî tê axafî derdikeve de pirsa  "Ma gelo kurd ên di Bihara Ereban de bi ser ketine?" dike.

Kovarê 30 rûpel ji bo nivîsên lêkolîn û analîzên der barê Kurdistanê de veqetand. Di nivîsên ku ji aliyê gelek akademîsyenan ve  hatine nivîsandin û di nav de nivîsa yek ji pisporên Rojhilata Navîn Udo Steinbach jî heye, tê destnîşankirin ku statuya kurdan bi awayekî kes nikare asteng bike pêş dikeve. 

Her wiha tê gotin ku kurd li Rojhilata Navîn ji koma gelan a herî mezîn a bêdewlet e û êdî siûda wan a ku bibin dewlet heye.

Di nivîsên analîz de ku behsa “pêvajoya aştiyê” ya li Tirkiyeyê, li Iraqê bi hukumeta Bexda re pirsgirêkên heyî, şerê desthilatdariyê yê di navbera Şîî-Sunniyan û şerê navxweyî yê li Sûriyeyê tê kirin, tê gotin ku ev mijar kurdan bi hêztir kiriye.