Diyarname
Kesek bi navê Aylin Kotil ji bo bendava hilbijartinê ya li Tirkiyeyê ku sedî 10 e dakeve ji Stenbolê heta Enqereyê dimeşe.
Kotil îktîsatkarek eb Ji bo daketina bendava hilbijartinê li Stenbolê dest bi meşa peyatî kir. Ew îro (roja 11'ê mehê) giha Îzmîtê. Kotil di beşê de ji germê gazincan dike. Ji ber germê serê sibeyan pir dimeşe, nîvrokî bêhna xwe dide û ber êvarkî dîsa dest bi meşê dike. Bi vê meşê ew dê roja 28'ê vê mehê bigihîje Enqereyê.
Ew wisa dibêje: "Ez alîgirê rakirina bendava hilbijartinê me. Dibe ku dakeve jî lê ez dixwazim bi temamî bê rakirin. Ji zûde ye bendava hilbijartinê min aciz dike. Em mînakek biçûk bidinm, di hilbijartina 2002'yan de 31,5 mîlyon kesî deng daye û ji vê 14,5 mîlyon neçûne meclisê. Ji ber ku dema partiyek bendavê derbas neke ew deng diçin çopê. Vê yekê jî bifikirin gelek kesên wekî min wisa difikirin 'Partiya ez dengê xwe bidim dê bendavê derbas neke' û naçin cem sindoqê, dengê xwe nadin û di dawiyê di li meclisê parvekirineke demokratîk çênabe. Temsileyeta demokratîk çênabe. Mirov nikaren fikrên xwe bişînin meclisê û parvekirineke bêedalet Çêdibe."
Aylin Kotil dibêje ku heta bendava sedî 10 hebe bila kes nebêje li Tirkiyeyê rewşeke demokratîk heye û dibêje: "50 sal paşê dê zarokên me bibêjin rewşeke tewş hebû li hemberî vê we dengê xwe dernexist."