Diyarname

Îsal 21'emîn car Pêşbaziya Çîrok û Helbestan a Huseyîn Çelebî li dar dikeve. Pêşbaziya ku ji aliyê Yekîtîya Xwendekarên Kurd (YXK) ve tê li darxistin li benda berheman e. Kesên bixwazin çîrok û helbestên ji xwe ji bo pêşbaziyê bişînin divê heta 1'e rezbera 2013'yan bişînin ber destê komîteya amadekar.

Par pêşbazî bi du zimanan (kurdî-tirkî) li dar ketibû û li dor 550 berhem ji bo pêşbaziyê hatibûn şandin. Îsal pêşbazî bi sê zimanan, bi tirkî, almanî û kurdî (û di nav kurdî de jî bi sê zaravayan: kurmancî, kirmanckî û soranî) li dar dikeve.

Kesên ku beşdar bibin di warê helbestê de bi 2 helbestan û di warê çîrokê de jî bi çîrokek dikarin beşdarî pêşbaziyê bibin.

Juriya pêşbaziyê jî ji van kesan pêk tê:

- Di beşa helbesta kurmancî de: Rêşad Sorgul, Lokman Ayebe, Samî Hêzil. 

- Di beşa çîroka kurmancî de; Tosinê Reşîd, Selaheddîn Gezer, Şengul Ogur. 

- Di beşa helbest û çîrokên kirmanckî de jî Haydar Diljen, Denîz Gunduz û Muzaffer Ozdemîr cih digirin.

- Di beşa helbest û çîrokên soranî de; Awat Muhammad. 

- Di beşa helbest û çîrokên almanî de; Monîka Morres, Anja Flach û 

- Di beşa helbesta tirkî de; Hîcrî Îzgoren, Sezaî Sarioglu, Şukru Erbaş. 

- Di beşa çîroka tirkî de; Îrfan Aktan, Esra Çiftçî, Guler Yildiz.

Kesên di pêşbaziyê de bi ser bikevin roja 26'ê kewçêrê bi merasimeke ya li Kolna Almanyayê dê xelatên xwe bigirin.

Ji bo kesên eleqedar navnîşan:

Çalakiya wêjeyê-Edebiyat Etkinligi-Literaturveranstaltung, Postfach 10 06 03, 

52006 Aachen. 

e-maîla YXK’ê; h.celebi2013@yxkonline.de 

****

Dosyayek li ser 'Kurdistana Îranê'