MÊRDÎN

Hevşaredarê Bajarê Mezin ê Mêrdînê Ahmet Turk diyar kir ku yên ji berxwedana Rojava ditirsin êrîşê îradeya gel dikin û wiha axivî: "Dixwazin bi plana têkbirinê bi me paşve gav bidin avêtin lê ne di salê 80'an ne jî yên 90'an de me paşve gav neavêtiye. Wê demê bi ser neketin dê îro jî nikarin me biçewisînin."

Piştî Wezareta Karên Hundir Hevserokê Şaredariya Bajarê Mezin a Mêrdînê Ahmet Turk ji peyvir hat avêtin Walî Mûstafa Yaman wekî wekîlê şaredariyê hat tayînkirin, Turk li ber şaredariyê daxuyani da. Xebetakarên şaredariyê, Hevserokên Şaredariya Mezin ya Mêrdînê Ahmet Turk û Febrûniye Akyol, Parlementerê HDP'ê ya Êlihê Mehmet Ali Aslan û bi sedan welatî tevlî daxuyanî bûn. 

Hevşaredarê Bajarê Mezin ê Mêrdînê Ahmet Turk diyar kir ku yên ji berxwedana Rojava ditirse êrîşê îradeya gel dike û wiha axivî: "Dixwazin bi plana têkbirinê bi me bi paş ve gav bidin avêtin, lê ne di salên 80'ê ne jî yên 90'î de me bi paş ve gav neavêtiye. Di wê demê de nikaribûn dijî îradeya gel pêş ve biçin, niha jî nikarin. Wê demê bi ser neketin dê îro jî nikarin me biçewisînin."

Turk anî ziman ku AKP dixwaze xwe bi polîtîkaya yekbûyî pêş ve bibe û ji berî vê yekê jî tehamula wan dengê muhalîf re tuneye û wiha got: "Em ê hemberî van polîtîka û êrîşan wekî her demê li ber xwe bidin."

Parlementerê HDP'ê yê Mêrdînê Mehmet Alî Aslan jî diyar kir ku kayyûm serokê qorsan e û wiha axivî: "Hemberî van qorsanan em ê bi gel re berxwe bidin."

Dest danîn ser Dêrsim, Wan û Sêrtê jî

Di vê navberê de piştî binçavkirin û girtina Hevşeredarên Dêrsim û Sêrtê hikumeta dewleta Tirkiyeyê kayyûm şand ser şaredariyên her du bajaran. Îro jî Hevşaredarê Wanê Bekir Kaya hat binçavkirin, bêyî hê bê berdan an bê girtin bi kayyûmê dest danîn ser Şaredariya Wanê jî.
Niha ji 100 şeradariyên DBP'ê yên bajar, navçe û bajarokan bi kayyûmê dest danîne ser 33 şaredariyan. Bi teşaşî 37 hevşaredar jî tewqîfkirîne. Ji bajarên ku şaredarî di destê DBP'ê de bû Amed, Mêrdîn û Wan (ku ev bajarên mezin in) û Batman, Sêrt, Dêrsim, Culemêrg, Şirnex hatine desteserkirin.