Ajansa Nûçeyan Peyamnêr radgihîne ku leşkerên Îranê li ser sînorê Herêma Kurdistana Federal û li nava sînor heta niha 9 kelehên leşkerî ava krine û niha ya dehan ava dikin.
Bi vê yekê Îran dixwaze sînorê qontrol bike û hem li ser sînor, hem jî li nava sînorên Herêma Kurdistanê bi cih bibe.
Vaye nûçeya PNA'yê:
Hewlêr – 02 August / Tebax 2011 (PNA) – Topbarana deverên sînorîyên herêma Kurdistanê ji alîyê supayê pasdarên Îranê ve heta niha jî berdewam dike û xêncî ewê çendê jî supayê pasdarên Îranê mijûlî çêkirina sê kelheyên serbazî di nav xaka herêma Kurdistanê de ye. Jêderekî ewledarîyê sînorê bajarokê Çoman´ê jî dibêje, ku wan di bareya diristkirina kelheyên serbazî de ji alîyê Îranê ve alîyên peywendîdarên sertir ji xwe agahdar kirine.
Supayê pasdarên Îranê li ser binpê kirina qanûnên navdewletî û rêzgirtin ji sînorên navbera herêma Kurdistanê û Îranê berdewame. Supayê Pasdarên Îranê di sala bihûrî de heft kelheyên serbazî li ser sînorê herêma Kurdistanê ava kir û çend kelhe jî di nav xaka herêma Kurdistanê de çê kir û rêya hatin û çûna otomobîlan jî bo hemû kelheyan dirist kir. Rêya çend kelheyan jî di nav xaka herêma Kurdistanê de derbas dibe.
Di evê bareyê de, muxtarê gundê Wêze Ebdullah Ehmed ji PNA re got: ew çend heyvin supayê pasdarên Îranê mijûlî avakirina sê kelheyên din li sînorê gundê Wêze ya ser bi bajarokê Çoman´ê ye.
Ebdullah Ehmed weha jî got, ku heta niha karê avakirina du kelheyan bi dawî bûne û kar ji bo temamkirina kelheya sêyem dihê kirin.
Kelheya Bozî MêrgeSîr
Herwisa muxtarê gundê Wêze weha jî da xûyakirin, ku kelheyên serbazîyên Îranê bi awayekî aşkira di nav xaka herêma Kurdistanê de ne û li deverên Bozî MêrgeSîr, Berd Qelişte û Pîrelok hatine diristkirin.
Di evê bareyê de, jêderekî ewledarîyê yê deverê ku nexwezt navê xwe aşkira bike, ji PNA re got: em her ji dema destpêka avakirina kelheyan agahdarî kirdar û bizavên supayê Îranê bûn û me alîyên ji xwe sertir agahdar kirin û me ji wan re ragihand, ku supayê Îranê dîsan sê kelheyên serbazî li sê deverên herî bilind ên gundên dola Sekrayetî dirist dikin û bi avakirina evan kelheyan dikarin sînorê hemû devera Balekayetîyê bibînin û kontrol bikin.
Kelheya PîrelokEvî jêderî weha jê ragihand, ku herdu kelheyên Bozî MîrgeSîr û Pîrelok hatine avakirin û rêya hatin û çûna otomobîlan jî bo ewan kelheyan hatiye çêkirin û kehreba jî bo ewan kelheyan hatiye berdestkirin û niha gelek serbaz jî tê de bi cih bûne.Evî jêderî got, ku rojane kar di kelheya Berd Qelişte de dihê kirin da ku karê avakirina ewê jî zû temam be.
Pêdivêyî gotinê ye, ku ew maweya sê salin supayê Îranê li ser sînorê navbera Îranê û herêma Kurdistanê û bi dirêjayîya sînorê devera Balekayetî heta binarê Qendîl, mijûlî çêkiirna senger û avakirina kelheyên serbazî ye û heta niha neh kelhe li ser sînor û di nav xaka herêma Kurdistanê de çê kiriye û kar ji bo çêkiirna kelheya 10 jî berdewame.S.K
.jpg)
