Diyarname
Dawiya vê hefteyê di qada fûtbolê de sê bûyerên balkêş derketin holê. MU 2000'emîn gol avêt. Granada pîştî 46 salan bû lîder. Rekorek jî ji bo 9-0'ê. Vane her sê nûçeyên balkêş:

1- MU 2000'emîn gol avêt
Tîma îngilîz Manchester United (MU) tîma Norwich City bi 3-1 têk bir. Bi vê yekê Premier Lîg de di Premier Lîgê de bû 2000 heb golan diavêje. Bi vê yekê jî MU bû yekemîn tîma ku di Premier Lîgê de 2 hezar golan diavêje.

Di lîgê de 1000'emîn gola MU di sala 2005'an de Cristiano Ronaldo, 1500'emîn gol Dimitar Berbatov qeyd kiribû û niha 

2000'emîn gol jî ji aliyê Scott McTominay hat qeydkirin. McTominay ê 22 salî lîstikvanekî skoçî ye û ji tîma jêrîn a MU bilind bûbû û hatibû tîma sereke.

2- Rekora 9-0'ê
Vê hefteyê di Premier Lîgê de Southampton û Leicester City hatin hemberî hev. City bi 9-0 bi ser ket û bi vê rekorê bû şirîkê rekorê Manchester Unitad. Lê City yekemîn tîm e ku di Premier Lîgê de di deplasmanê de ew qas golan diavêje.

Li aliyê din li ser vê yekê lîstikvan û heyeta teknîkê yê tîmê biryar dane ku meaşê xwe yê rojekê diyarî saziyeke xêdxwaz bikin. Ew dê meaşê xwe bidin Weqfa Saint ku ev weqif salê piştgirî dide 12 hezar ciwanî.

3- Piştî 46 salan bû lîder
Tîma Spanyayê Granada di La Lîga de piştî 46 salan yekemîn car bû lîder. Granada dawiya hefteyê li mala xwe Real Betis bi 1-0 têk bir. Granada bû 10 maçan dilîze ku maçek wê ji Barselonaya duyemîn zêdetir e. Granada niha xwedî 20 pûanan, Barselona bi maçek kêm xwedî 19 pûanan e. Bi maçek zêde be jî Granada piştî 46 salan gavek nû avêt.

Ji ber bûyerên ji bo serxwebûnê yên li Katalonyaya maça Barselona û Real Madrîdê ku dê li Barselonayê bihata lîstin ji bo 18'ê meha berfanbarê bi paş ve hat avêtin.