Enqere
Sinan Îlhanê ku ji Rihayê û di karê îstîxbaratê de xebitiye kirin kordînatorê Kurdiya TRT'ê.

Li gor zagona ku hate derxistin TRT dê 'bi zimanên herêmî' jî weşanê bike. Ji vê herêmiyê mesela kurdî ye. Ji bo kanalê kesên ku dê bi rê ve bibin diyar dibin. Wekî kordînatorê beşa kurdî ya TRT'ê peywir dar Sinan Îlhan. Îlhan di sala 1961'ê de li Rihayê hatiye dinê, Beşa Wêje û Zimanê Erebî xwendiye û li Enqereyê li Enstîtuya Zanistên Civakî doktoraya xwe li ser Îslam û hunera civakê saz kiriye.

Ew di 26 saliya xwe de wekî memûr Ketiye Beşa Karên Derve, di wir de di îstîxbaratê de xebitiye. Îlhan di sala 1989'an de li Serbalyozgeriya Ciddeya Erebistana Siûdê ji îstîxbaratê berpirs kar kiriye. Di sala 1994'an de vedigere navendê û li vê derê di kirîna amûrên bi zirx ên leşkerî de wekî berpirs kar dike.

Îlhan ku beşa îstîxbaratê de xebitiye, di Nûnertiya Taybet a Iraqê ya Tirkiyeyê de ji karê berpirsiyariya ji îstîxbaratê kiriye. Di dema serdana nûnerên Tirkiyeyê yên ji bo Iraqê de, yên veşartî de Sinan Îlhan peywirên veşarî girtine ser milên xwe. Îlhan ku bi kurdî, erebî, farisî, îngilîzî û îbranî dizane niha dê wekî kordînatorê kurdiya TRT'ê kar bike.

Li gor Umit Firat jî dê şêwirmendiya kanalê bike. Firatî li ser kanala da zanîn ku pêşî dê 10 saetan weşanê bike û wiha dom kir: "Ev kanal ne tenê li Tirkiyeyê de bala kurdên li ser rûyê dinê bikişîne. Digel mihafezakaran dê çepgirên kurd ên berê ku di beşên cihê de xebitîne jî dê kanalê de cih bigirin."
Firat da zanîn ku kurd divê vê kanalê aîdê xwe hîs bikin.

Ji ANF û Hurriyetiyê hatiye berhevkirin