Diyarname
Tîma Chelsea ku par bûbû Şampiyonê Lîga Şampiyonan îsal jî bû Şampiyonê Lîga UEFA'yê û kûpa bir mala xwe. Chelsea di deqîqeyan 93'yan de bi gola 2'yan 2'yemîn Kûpaya Mezin a Ewropayê bi dest xist.

Tîma Portekîzê Benfica û tîma Îngilistanê Chelsea li Amsterdam Arenayê hatin hemberî hev.
Nîveka yekem a maçê bi 0-0 wekî hev bi dawî bû. Di nîveka duyem de Torres di deqîqeya 60'î de golek avêt û Chelsea bi 1-0'ê derket pêş. Di deqîqeya 67'an de goga Cardoza ku bi pêş de avêt li destê lîstikvanê Chelsea ket û hakem ji bo penaltiyê li firfirîkê da. Cardozo ji penaltiyê gol avêt û maç bû 1-1. Di deqîqeya 93'yan, di kêliya ku her kes li bendê bû ku dê maç derbasî demzêdebûnê bibe de li ser navê Chelse Ivanovic gol avêt û Chelsea dest avêt kûpayê.