Diyarname

Solîstê navdar ê Nîrvayê Kurt Cobain di sala 1994'yan de întîxar kir. Qazaxê wî yê li ser şewata cixareyê jî hebû di mezatê de hat firotin. Qazax bi 334 hezar dolarî hat firotin.

Qazaxê wî yê di rengê keskê vekirî de ku hinek bi cixareyê hatibû şewitandin û heta niha qet nehatiye şûştin li Hart Rock Cafe hat firotin. Li mezatxaneya li New Yorkê bi 334 hezar dolarî hat firotin. Cobain di sala 1993'yan, berîntîxara wî bi 6 mehan di bernameya MTV Unplugged de li xwe kiribû.

Garret Kletjian di sala 2015'an de di mezatê de ev qazax bi 137 hezar û 500 dolarî kirî bû û qazax niha bi du qatî zêdetir hat firotin.

Mezatxaneya Julien's Auctions daxuyand ku ligel qazax di mezatê de gîtarek Cobain jî hat firotin û ew jî bi 340 hezar dolarî gihîşt xwediyê xwe yê nû. Gîtarê bi markeya Fender Mustang di rengê tûrqûazî de di sala 1993'yan de bi taybetî ji bo wî hatibû çêkirin ji ber ku Cobain bi destê çepê lê dida. Ligel gîtar nameyek jina wî Courtney Love jî hemû ku Love têde nivîsandibû ku Cobain herî zêde ji vê gîtarê hez kiriye.

Di mezata li Hart Rock Cafe ya li New Yorkê de ji bilî van 700 tiştên aîdê navdarên din jî cih girtin. Di nav van de erebeya Elvis Presley a markeya Mercedes-Benz 450 SL Coupe bi modela 1974; gotinên stranên yên bi destnivîsî hatine nivîsîn yên Bob Dylan, Eric Clapton û Bruce Springsteen; kincên Elton Johns ên di konserê de li xwe kirine; lepikên Michael Jackson jî hebû.

Kurt Cobain muzîkarê navdar ê ji DYA'yê bû. Di sala 1967'an de hatibû dinê. Di sala 1987'an de igel Krist Novoselic koma Nirvanayê ava kir û albuma yekem a vê komê di sala 1989'an de ib navê "Bleach" derxist. Di 5'ê avrêla 1994'an de li Seattle ya Washingtona DYA'yê întîxar kir.