Sêrt
Serokên 18 baro û delegeyên lijneyên giştî yên Sêrtê bi daxuyaniyekê piştgiriya xwe ya bo pêvajoyê anîn ziman.
Serokên Baroya Êlih, Semsûr, Agirî, Çewlîk, Bedlîs, Amed, Elezîz, Culemêrg, Îdir, Qers, Meletî, Mêrdîn, Mûş, Riha, Şirnex, Dêrsim û Wanê û delgeyên lijneya giştî li Baroya Sêrtê hatin cem hev û diyar kirin ku ew piştgiriyê didin pêvajoyê.
Serokê Baroya Sêrtê Parêzer M. Cemal Acar diyar kir ku ji bo pêvajoya çareseriyê bi ser bikeve û pêşî li provakasyonan bê girtin kesên piştgiriyê didin pêvajoyê divê hay ji ziman û şêwaza xwe hebin. Her wiha biryarên ku girtibûn jî eşkera kirin.
Acar bal kişand ser banga Ocalan û got: “Di Newroza Amedê de peyama Abdullah ocalan ji aliyê hemû kesî ve bi coş û heyecaneke mezin ve hate pêşwazîkirin. Ji bo pêvajoya çareseriyê bigihîje serkeftinê û bi awayekî ewle hêzên gerîla vekişin, divê deshilatdarî û aliyên têkildar peywira xwe bînin cih.
Ji bo çareseriyeke mayîn de di Zagona Bingehîn de divê mafê perwerdehî, welatîbûnê bê dayîn û her wiha astengiyên li pêşiya azadiya fikr û ramanê bê rakirin, her wiha Kanûna Têkoşîna bi Terorê re bê kirin.”