DiyarName.Com

‘Peyam’a sêyemîn derket

Kovara Peyamê ku par payîzê dest bi weşana xwe kiribû bi jimara xwe ya nû gihîşte ber destê xwendevanan.

Diyarname
Kovara Peyamê ku par payîzê dest bi weşana xwe kiribû bi jimara xwe ya nû gihîşte ber destê xwendevanan.

Kovara çandî, hunerî û ramanî Peyam wekî kovareke mehane dest bi weşanê kir lê ev hejmara xxwe piştî sê mehan derxist. Di hejmara sermawez, berfanbar û rêbendanê ya Peyamê ku ev hejmara wê ya sêyemîn e derdikeve, gelek nivîs û hevpeyvîn hatine weşandin. Mihemed Jiyan bi nivîskar Tehsîn Îbrahîm Doskî re hevpeyvînek dû dirêj li ser dîroka kurdan a Misilmaniyê kiriye. Doskî, di hevpeyvîna xwe de diyar dike ku kurdan xizmetên gelekî mezin ji bo Îslamê kirine û gelek alimên mezin ji nav wan rabûne.

Nivîsa M. Ali Erdoğan jî di bin sernavê “Serpêhatiya Medreseyên Kurdistanê” de, serencam û rewşa medreseyên Kurdistanê radixe ben çavan. Biraziyê Seyid Eliyê Findikî, Sait Erzen jî li ser jiyan, ilim û tesewwifa apê xwe nivîsa xwe pêşkêş kiriye. Rojbîn Ozkan, li ser rewşa jinên kurdan û dîndariya wan vekolîna xwe weşandiye.

Her wiha Mela Mûhemmedê Bêrkevanî, Mûrad Celalî, Ehmed Kirkan, Mela Reşidê Hiritî, Umîd Demîrhan, M. Xalid Sadînî, M. Emînê Botikî, Kenanê Nado, Mela Suleyman Kurşun, Mela Mudrik, Haşim Ozdaş, Mewlana Celaleddînê Rûmî, Sadiq, Murad Pola, Rêbaz Şoreş, Remzî Pêşeng, Osman Îzol, Husein Muhammed û Seîd Miksî jî bi helbest, nivîs û wergerên xwe di Peyama sêyemîn de cih girtine.

Ji bo têkilî:
kovarapeyam@gmail.com

REKLAM