Arif ARSLAN / BATMAN, (DHA)

Rêxistina Hezo ya AK Partî pankarta "Bijî Tayyip" hilda, lê parêzvanên Tayyip ew ji holê rakir.

Serokwezîr Recep Tayyip Erdogan duh li Batmanê axivî. Di dema axaftina wî de rêxistina navçeya Hezo pankartên "Bijî Tayyip" û "Serok Tayyip" bilind kirin, lê parêzvanên serokwezîriyê ew pankart ji holê rakirin.

Li Batmanê mifteyên 1250 avahiyên TOKÎ hatin belavkirin. Di mîtînga ku 7 hezar kes beşdar bû de digel ku dibistan girtî bûn jî xwendekarên dibistanê hatibûn bevhevkirin û ew anî bûn, otobuyên şaredariyê bê pere ew kişandibûn cihê mîtîngê û teşkîlata AKP'ê jî bi komên qelebalix anîbûn meydanê.
Rêveberiya navçeya Hezo ya AKP'ê pankartên li ser "Bijî Tayyip" û "Serok Tayyip" nivîsandibûn hildan. Pankart ji qontrolan polîsan derbas û û li qadê hat bilind kirin, lê parêzvanên serokwezîr ku pankart dîtin di cih de mudexele kirin. Parêzvanên polîs hem di cih de pankart kom kirin û dest danîn ser, hem jî navên kesên ku pankart amade kiriye û hildaye li cem xwe qeyd kirin.

Şaredarê Hezo yê AKP'yî Hîkmet Bahşî got ku wî tu ev rewşa parêzvanan fêm nekiriye û wiha berdewam kir: "Ji bo ku em bi kurdî û tirkî pêşwazî serokwezîrê xwe bikin me bi rojan berê xwe amade kir. Bi sedema ku neyê fêmkirin pankart kom kirin."
Bahşî da zanîn ku di demeke ku TRT ji bo weşana bi kurdî xwe amade dike de wî ev tevger fêm nekiriye û got: "Me xwest bi pankartê hezkirin û hurmetê xwe nîşanî serokwezîn bidin lê destûr nedan, ne mimkûn e em vê fêm bikin."
Rêveberên navçeya Hezo yên AKP'ê jî gotin ku di peyvan de peyama siyasî tunebû û gotin: "Gelo dê TRT sansurê li peyvên 'bijî' û 'serok' bide. Ev çi bêtahumulî ye."

Ji Milliyetê hatiye girtin