Diyarname
Vê mehê di rojên 5-6’an de li Duhokê dîdara medyakarên Başûr û Rojava li dark et. Li dor 200 medyakar beşdar bûn û “Ji bo karkirina li ser rola medya di projeya aștî û demokratiyê de li rojavayê Kurdiatanê” axivîn. Di çar panelan de guftûgo hatin kirin û di dawiyê de Komîteya Bilind a Dîdadê daxuyaniyeke weşand. Em vê daxuyaniyê bêyî biguherînin diweşînin:

Raspardeyên dîdara medyakarên ji Bașûr û Rojava

1. Teqezkirina yekîtiya neteweyî û berçavkirina taybetmendiya gotara siyasî ya her perçeyeke Kurdistanê.
2. Piștgirtin û berevaniya kêșeya Kurdên Rojava di hemû waran de, bi taybetî peydakirina bingeheke berfireh ji bo karê ragihandinê.
3. Damezirandina dezgeheke ragihandinê ya berfireh ji bo hemû warên ragihandinê, bi taybetî damezirandina kenaleke televizyonê ya ezmanî.
4. Hewildan ji bo rêxistin û pêkanîna workshop û kursên fêrbûn û rahênan ji bo medyakarên Rojava.
5. Piștgirî ji hewildanên  Sendîkaya Rojnamevanên Kurdistanê re di xebata wê de ji bo sazkirina federasyoneke berfireh ji her çar perçeyên Kurdistanê re, weha jî komkirina rêxistinên medyakarên Rojava di yek sendîkeyê de, û hewildan ji bo endambûnê di Federasyona Navndewletî ya Rojnamevanan de.
6. Pêkanîna komîteyeke hevbeș ji medyakarên Bașûr û Rojava bi mebesta pitewkirina peywendiyên di hemû waran de, û ev komîte wê bi karê bidûçûna van raspardeyan rabe.
Komîteya Dariștina Raspardeyên
 Dîdara Medyakarên Bașûr û Rojava
06/12/2012