Diyarname
Komeleya Nivîskarên Kurd a Amedê li ser biryara YSK’ê daxuyaniyeke weşand û wisa got: “Duh ber destê êvarê YSK’ê (Desteya Bilind ya Hilbijartinê) biryar da ku hin belge û mercên serîlêdanê kêm in; ji ber wê jî 12 nazetên parlamenteriyê yên Kurdan hatin betalkirin. Ev namzet yên ku ji aliyê Bloka Azad,  Demokrasî û Kedê ve wekî namzetên serbixwe hatibûn nîşandan bûn.
Ev biryar biryarê dewletê û xêrnexwazên demokrasiyê û neyarên Kurdan e.
Ev biryar ji çend aliyan ve girîng e.
1- Dibêjin ku Kurd divê di meclîsê de siyasetê nekin. “Kurdê herî baş Kurdê nesiyasî yê bêdeng e.”
2- Dibêjin ku Kurd divê di nava xwe de îtîfaqê çênekin, bi hêz û kesên çepgir û kedkariyê re li hev nekin. “Parçe bike û bi rê ve bibe.”
3- Dibêjin ku “dewreya dinê 20 parlamenter tenê bûn lê meclîsê bi serê me de anîn xwarê; ku bibin 40-50 parlamenter ne em karin bi wan ne herê.” Ji ber wê, ew dixwazin siyaseta Kurdan ji hêzê bikeve.
4-  Dibêjin ku bi vê gavê û hin gavên paşê dê bêne avêtin bila pêşî li serbixweyan bêgirtin ku nikaribin di meclisê de komê ava bikin.
Em wekî Komeleya Nivîskarên Kurd li aliyê gelê Kurd in, alîgirê siyaseta Kurdî ne. Di demeke wisa de biryareke bi vî rengî bi tenê tê wateyekê; ev jî ew e ku “Mafê Kurdan ê axaftinê, ê tevgerê, ê siyasetê tune ye. Li gorî wan mafê Kurdan ê azadî û demokrasiyê tune ye.
Ev nêzikahî û hişmendî ya faşîzan û paşverû ye.
Em weki Komeleya Nivîskarên Kurd bang li Serokkomar, Serokwezîr û wezîrên berpirs bangê dikin û dibêjin;
“Ji bo ku hûn astengiyan ji Kurdan re derînin nejîn, ji bo pêşvebirina demokrasî û mafên mirovan  bixebitin.”
“Di dinyayê de ev şerm e û di demeke nêzik de divê ev biryar bê betalkirin.”
“Meclîsê kom bikin û di demeke kin de destûra bingehîn biguherînin.”
Ku ev rewş neyê guhertin, bi tenê riyek ji Kurdan re dimîne; ew jî xwe ji siyasetê vekişînin û riyên devreyê siyasetê pêk bînin… Ji bo wê jî divê ku di demeke kurt de ev sererastkirin bê kirin û ji bo îpoteka li ser îradeya gelê Kurd lêborîn bê xwestin.
Em biryarên paşverî yên bi vî rengî şermezar dikin û dibêjin biryarên baş û pêşverû pêşketinê jî bi xwe re tîne…”