Diyarname

Lîstikvanê navdar, xelatgirê Oscarê Sean Penn ku heta niha gelek caran piştgiriya Ûkraynayê kiriye, vê carê bi gotineke balkêştir derket meydanê: "Ezê Oscara xwe bidim, bila bihelînin, bikin gule û li hemberî Rusyayê bikar bînin."

Penn par yek ji Oscarên xwe diyarî Serokdewletê Ûkraynayê Zelensky kiribû û ji bo Oscara xwe ya din jî niha ev gotin bikar anî.

Penn ê 63 salî ji bo kovara Variety axiviye. Wêneyê wî di berga kovarê de bikaranîne. Pennî ji bo Oscara ku diyarî Zelensky kiribû jî wisa gotiye, "Min jêre got vê peykerê biparêze û dema her tişt xilas bû, welatê wî ket nava ewlehiyê bila peykerê min bîne Malibuyê."

Li aliyê din Rusyayê ji ber kirinên wan Penn û Ben Stiller wekî "Neyarên Rusyayê" bi nav kirine û ketina wan a Rusyayê qedexe kirine.