Diyarname
Teknîk dîrektorê ji Romanyayê Mirca Lucescu îro di 81 saliya xwe de li nexweşxaneyê mir.

Mirca Lucescu di sala 1945'an de li Bukreşa Romanyayê hatibû dinê. Ew lîstikvanê fûtbolê bû. Di dema lîstikvaniya xwe de ligel tîma Dînamo Bukreşê 7 caran li Romanyayê li lîgê bû şmapiyon.
Lucesu di sala 1982'yan dest ji fûtbolê berda û paşê dest bi teknîk dîrektorî kir. 

DI UEFA'YÊ DE SERKETINÊN WÎ
Di dema teknîk dîrektoriya xwe de ligel Shakhtar Donetskê Kûpaya UEFA'yê, ligel Galatasaray Kûpaya Super a UEFA'yê bi dest xist. Wî ligel Shakhtar Donetskê 8 caran, ligel Dinamo Kyivê carek, bi giştî 9 caran di Lîga Ûkraynayê de wekî teknîk dîrektor tîmên xwe kirin şampiyon.

LI DU WELATAN TEKNÎK DÎREKTORÊ SALÊ
Lucescu di salên 2004, 2010, 2012, 2014 û 2021'ê de li Romanyayê wekî teknîk dîrektorê salê hat hilbijartin. Di salên 2006, 2008 û 2014'a de li Ûkraynayê wekî teknîk Dîrektorê salê hat hilbijartin.
Di sala 2015'an de ligel Alex Ferguson, Carlo Ancelotti, Arsene Wenger û Jose Mourinho di 100 salên Liga Şampiyonan a UEFA'yê de wekî teknîk Dîrektor kar kir.

DI KÛPAYAN DE RÊZA SÊYEM DE YE
Wî di jiyana xwe de 35 kûpa girtine. Piştî Pep Guardiola û Alex Ferguson wekî teknîk dîrektorê herî zêde kûpa girtine di rêza sêyem de cih digire.
KÛPAYÊN WÎ GIRTINE
Wekî teknîk dîrektor kûpayên ku wî girtine ev in:
- 9 Kûpaya Lîga Şampiyonan a Ûkraynayê
- 8 Kûpaya Super a Ûkraynayê
- 7 Kûpaya Ûkraynayê
- 3 Kûpaya Romanyayê
- 2 Kupaya Lîga Şampiyonî ya Romanyayê
- 2 Kûpaya Super a UEFA'yê (Ligel GS û Shakhtarê)
- 2 Kûpaya Şampiyonî ya Lîga Super a Tirkiyeyê (ligel GS û BJK'ê)
- 1 Kûpaya Super a Romanyayê
- 1 Kûpaya Super a Rusyayê

BI 6 ZIMAN DIZANÎ
Lucescu ligel zimanê xwe yê zikmakî romenî, bi  îngilîzî, portekîzî, spanyolî, îtalî, gransizî û rusî dizanî.
Ji aliyê lênêrîna jiyanê ve wî bi çavê çepgirî, bi çavekî cuda li jiyanê û li însanan dinêrî. Ji bo lîstikvanên xwe her digot, "Ji dêvla hûn herin restorandan hûn herin şanoyê, hûn pirtûkan bixwînin wê baştir be."

NIVÎSÊN WÎ YÊN DI ROJNAMEYA SOSYALÎST DE 
Teknik dîrektor Lucescu di salên 1980'yî de ji bo rojnameya "Drumul Socialismului" (Rêya Sosyalîzmê) li ser fûtbolê analiz nivîsandine. Wî ev nivîsîna xwe paşê jî domand.

PIRTÛKÊN WÎ
Wî di sala 1981'ê de, di bin bandora îdeolojiya Sosyalîst de bi navê "Mirajul gazonului" (Îluzyona Giyayê*) pirtûkek nivîsandiye. Pirtûk di sala 2024'an de bi awayê berfirehkirî hatiye çapkirin.
Wî di sala 2011'an de jî bi navê "Shakhtarsʹke zhyttya" (Jiyana Şahtar) pirtûkek nivîsandiye. Ji bilî van hinên din li ser biyografiya wî nivîsandine.

*Li vir qest giyayê sehaya fûtbolê ye.

Û MIRIN
Lucescu roja 29'ê adarê di dema antremanê de nexweş ket û ew rakirin nexweşxaneyê. Hate gotin ku di rîtma dil de problem heye. Hin tehlîl hatin girtin. Roja 3'yê vê mehê di dema ji nexweşxaneyê ew dişandin mal bi qeyrana dil ket; bi mesajê sê caran ew li jiyane vegerandin. Lê roja 5'ê mehê ew rîtm xirabtir bû û roja 7'ê mehê li nexweşxaneyê canê xwe ji dest da.